શબ્દશિલ્પી સૂરના સ્વામીનો સંગમ : સપ્તરંગી મુશાયરો
શનિવાર, તા ૧૭ મી નવેમ્બરની સાંજે ૭ કલાકે કે.જે. ચોક્સી પબ્લિક સાર્વજનિક લાયબ્રેરીમાં ઉપસ્થિત સાહિત્ય અને સંગીતપ્રેમીઓને જલ્સો પડી ગયો.
દેવેશ દવેએ રવિન્દ્ર સંગીતમાં કવિ ઉમાશંકર જોષી અનુવાદિત મહાત્મા ગાંધીજીનો સંદેશ આપતું ગીત લલકાર્યું. “મારું જીવન એ જ મારી વાણી” સૌ તરબોળ થયા અને વાતાવરણ જામી ગયું.
પ્રશાંત સોમાણીએ ઓપનિંગ કર્યું ચોગ્ગા છગ્ગા સાથે :
- સગાવહાલા બધા પૂછે તબિયત કેમ છે ?
ખબર હોવા છતા પૂછે તબિયત કેમ છે ?
- એની આંખો જોઈ સાલુ આજે થાતું પાક્કુ
આખ્ખે આખા ડૂબી જવું અંદર અંદર
- ઊંઘ માટે લાખ પડખા ફરે પ્રશાંત
એ તો આવે તો આવે, કઈ દાસી નથી
- વેદ વાંચ્યા, ગીતા વાંચી, ભાગવત્ આખું મોઢે
મા ની આંખ વાંચવાનો સમય ક્યાં સમય છે ? તારી પાસે
નરેન્દ્ર સોનારે રચના રજૂ કરી :
- જ્યારે પણ દુ:ખ મને ઘેરવાની ફીરાકમાં હોય છે
એ શુ મને ઘેરવાનું, હું એને ઘેરી લઉ છું
- અક્ષરોની જેમ સંબંધો પણ બોલ્ડ હોવા જોઈએ
કે વાંચવામાં તો થોડી સરળતા રહે
દેવેશ દવેએ ગૌરાંગ ઠાકરની રચના રજૂ કરી :
- મણકે મણકા સ્થિર થયા છીએ
તારા પગલા સ્થિર થયા છીએ
- તારા પગલાથી હું ચાલી ગઈ
તડકા પાછા તીર થયા છે.
- ગુજરાત સરકારના તેમજ સાહિત્ય અને કલાજગતના બધા જ એવૉર્ડ હાંસલ કરનાર “મીલીના ઘર તરફ” નાટકના સર્જક યામિની વ્યાસે તો કમાલ કરી
- લ્યો ૮૦ વર્ષે હરિએ મોકલ્યું માગુ
શું તમને ૧૮ વર્ષની લાગું ?
- તમારી આંખોની આ કોઈ હરકત નથી
વ્હેરે અમને આખે આખા પાપણ વચ્ચે કોઈ કરવત નથી.
કવિયિત્રી રીનલ પટેલ :
- હજીએ આ તરફની ભીંત બાકી છે
હજીએ થોડી ઘણી ઉમ્મીદ બાકી છે
- પીડને પડકારવામાં મજા આવે છે
ક્યાં હસીને ટાળવામાં મજા આવે
- લ્યો અમે પણ શીખી ગયા
કઈ જગ્યાએ શું બોલવાનું હોય છે.
- સ્પ્રિંગની જેમ ક્યાં સુધી ખેંચશો સંબંધને
જો હશે સ્થિતિસ્થાપક એની મેળે આવશે.
- એ તબિયત જોવા જ ના આવે
૧૦૧ તાવ શું કામનો ?
કવિશ્રી આદિલ મન્સુરીની ગઝલ વતનની ધૂળ ફરી મળે કે ન મળે દેવેશ દવે એવી રીતે રજુ કરી કે શ્રોતાઓ ઓતપ્રોત થઈ ગયા.
ભરૂચના કવિ હેમાંગ જોષી વર્ષી પડ્યા.
- પ્રેમની વ્હાલા પરીક્ષા બહું આકરી હોય છે
મહેલમાં વનવાસ ઓઢીને બેસવાનું છે ?
- કુવા તળાવ માંથી તો હિઝરત કરી ગયા
જળનો શું ફક્ત આંખમાં જ રહેવાનું હોય છે ?
- મોકળું ભીતર હશે તો ચાલશે
કોઈની તકલીફ પણ સમજી જવાય
એટલું ભણતર હશે તો ચાલશે.
- હાથ લંબાવું એ તું હોય ત્યાં એટલું અંતર હશે તો ચાલશે.
- સંચાલિકા મયૂરિકા લેઉવાનું અદ્દભૂત સંચાલન.
ગુજરાતી ભાષા એ ગીત સંગીતને ઉજાગર કરતો જબરજસ્ત કાર્યક્રમ માણવાનું સદ્દભાગ્ય ભરૂચનાં નગરજનોને મળતું રહે એ જ શુભકામના.