જાણો શું છે SBIના ગ્રાહકો માટે મહત્વના સમાચાર...

દેશની સૌથી મોટી બેંક ભારતીય સ્ટેટ બેન્કે બુધવારે કહ્યું કે, ટૂંકા ગાળાના દેવા પર ફંડનો સીમાંત ખર્ચ આધારિત વ્યાજ દર ઘટાડીને 0.05થી 0.10 ટકા કર્યો છે. આ તમામ કપાત 10 જૂલાઇથી લાગુ થશે. SBI દ્વારા બહાર પાડેલા એક નિવેદનમાં જણાવ્યું છે કે, MCLRમાં આ ઘટાડો ત્રણ મહિના સુધીની લોન પર લાગુ રહેશે. તેનો હેતુ દેવા અને માગને ધપાવવાનો છે.

MCLRમાં કરેલી કપાત બાદ ત્રણ મહિનાના સમય ગાળામાં બેન્કનો વ્યાજદાર ઘટીને 6.65 ટકા વાર્ષિક રહેશે. આ દર બેંકના બેંચમાર્ક આધારિત વ્યાજ દરની બરાબરીમાં થઇ ગયો છે. સ્ટેટ બેંકની MCLR દરમાં આ સતત 14મો ઘટાડો છે. આ કપાત બાદ પણ આ રેટ બજારમાં ઓછો છે.