IPL ઓક્શનનો બીજો દિવસ, જાણો ક્યારે અને ક્યાં તમે જોઈ શકશો

મેગા ઓક્શનના પ્રથમ દિવસે 97માંથી 74 ખેલાડીઓને ખરીદદારો મળ્યા અને 23એ બિડ કરી ન હતી. શરૂઆતના દિવસે મેગા ઓક્શનમાં રૂ. 388 કરોડનો ખર્ચ થયો હતો. વિકેટકીપર બેટ્સમેન ઈશાન કિશન અત્યાર સુધીનો સૌથી મોંઘો ખેલાડી સાબિત થયો છે. તેને મુંબઈ ઈન્ડિયન્સ (MI)એ 15.25 કરોડમાં ખરીદ્યો હતો. ભારતીય ઝડપી બોલર દીપક ચહરને ચેન્નાઈ સુપર કિંગ્સે 14 કરોડ રૂપિયામાં ખરીદ્યો હતો જ્યારે શ્રેયસ અય્યરને કોલકાતાએ 12.25 કરોડ રૂપિયામાં ખરીદ્યો હતો.

રવિવારે મેગા ઓક્શનનો બીજો દિવસ છે અને હવે ટર્નમાં બાકી રહેલા તમામ ખેલાડીઓની બોલી લગાવવામાં આવશે. બેંગ્લોરમાં મેગા ઓક્શન ચાલી રહ્યું છે. તેનું જીવંત પ્રસારણ સ્ટાર સ્પોર્ટ્સ પર જોઈ શકાશે. દર્શકો તેને ડિઝની-હોટસ્ટારની એપ્લિકેશન પર પણ લાઈવ જોઈ શકશે. ટેલિકાસ્ટ સવારે 11 વાગ્યે શરૂ થશે અને મેગા ઓક્શન બપોરે 12 વાગ્યે શરૂ થશે.