કોરોનાને કારણે જાપાનમાં લાગી શકે છે ઈમરજન્સી; મેદાન પર નહીં જઈ શકે દર્શકો

જાપાનની રાજધાની ટોક્યોમાં 23 જુલાઈથી ઓલિમ્પિક ગેમ્સનો પ્રારંભ થઈ રહ્યો છે. પરંતુ ટોક્યોમાં કોરોના વાયરસના વધતા જતા કેસોને કારણે જાપાની સરકાર અને ઓલિમ્પિક રમતોના આયોજકો માટે મુશ્કેલીઓ વધી છે. કોરોના વાયરસના વધતા જતા કેસોને ધ્યાનમાં રાખીને નિષ્ણાંતો સાથેની બેઠકમાં સરકારી અધિકારીઓએ આગામી સોમવારથી 22 ઓગષ્ટ સુધી જાપાનમાં કટોકટીની સ્થિતિ લાદવાની દરખાસ્ત કરી હતી.

કોરોના વાયરસને કારણે ઓલિમ્પિક ગેમ્સને એક વર્ષ માટે મોકુફ રાખવામાં આવી હતી. જાપાનની સરકાર ઓલિમ્પિક રમતોને ધ્યાનમાં રાખીને કેટલાક વધુ કડક નિર્ણયો લઈ શકે છે. રમતો દરમિયાન વિદેશી દર્શકોને મેદાનમાં પ્રવેશ મળશે નહીં.

આ અગાઉ ટોક્યોના લોકોને મેદાનમાં જાય અને ઓલિમ્પિક રમતો જોવા દેવાની સંભાવના શોધવામાં આવી રહી હતી. પરંતુ છ સપ્તાહની કટોકટીની સ્થિતિ સ્થાનિક મુલાકાતીઓને મંજૂરી આપવાની સંભાવનાને પણ દૂર કરશે. શુક્રવારે શ્રોતાઓના પ્રવેશ અંગેનો નિર્ણય લેવામાં આવશે. શુક્રવારે સ્થાનિક આયોજકો આંતરરાષ્ટ્રીય ઓલિમ્પિક સમિતિ અને અન્ય પ્રતિનિધિઓ સાથે મળવાના છે.