IPL 2022: રિંકુ સિંહની ધમાકેદાર બેટિંગ છતા કોલકાતા IPLમાંથી બહાર, LSGએ 2 રનથી કોલકાતાને હરાવ્યું

લખનૌ સુપર જાયન્ટ્સએ કોલકાતા નાઈટ રાઈડર્સને રોમાંચક મેચમાં હરાવ્યું. આ સાથે કોલકાતા IPL-2022માંથી બહાર થઈ ગયું છે. 211 રનનો પીછો કરતા કોલકાતા નાઈટ રાઈડર્સે આ મેચ લગભગ જીતી લીધી હતી પરંતુ છેલ્લી ઓવરમાં રિંકુ સિંહની વિકેટ પડવાને કારણે તેનું સપનું તૂટી ગયું હતું.

કોલકાતાને છેલ્લા બોલ પર 3 રનની જરૂર હતી પરંતુ અહીં વિકેટ પડી અને લખનૌ જીતી ગયું. જણાવી દઈએ કે પ્રથમ બેટિંગ કરતા લખનૌએ એકપણ વિકેટ ગુમાવ્યા વિના 210 રન બનાવ્યા હતા જેના જવાબમાં કોલકાતાની ટીમ 8 વિકેટ ગુમાવીને 208 રન બનાવી શકી હતી. કોલકાતા નાઈટ રાઈડર્સ આ હાર સાથે આઈપીએલ-2022માંથી બહાર થઈ ગઈ હતી અને આ જીત સાથે લખનૌ સુપર જાયન્ટ્સ પ્લેઓફમાં પહોંચનારી બીજી ટીમ બની ગઈ હતી. ગુજરાત ટાઇટન્સ IPL 2022ના પ્લેઓફમાં પહોંચી ચૂકી છે.

કોલકાતા નાઈટ રાઈડર્સને છેલ્લી ત્રણ ઓવરમાં 55 રનની જરૂર હતી, પરંતુ તે 53 રન બનાવી શકી હતી. રિંકુ સિંહે કેટલીક એવી ઈનિંગ્સ રમી હતી, જે વર્ષમાં એકવાર રમવામાં આવે છે પરંતુ તે પોતાની ટીમને જીત અપાવી શક્યો નથી. રિંકુ સિંહે પોતાની ઇનિંગમાં 15 બોલમાં 40 રન બનાવ્યા જેમાં 2 ચોગ્ગા અને 4 છગ્ગાનો સમાવેશ થાય છે.