IPL 2022: મુંબઈ ઈન્ડિયન્સની સતત પાંચમી હાર, જાણો કેપ્ટન રોહિત શર્માએ કોને ગણાવ્યો હારનો જવાબદાર.!!

IPL 2022 સીઝનમાં સતત પાંચમી હાર બાદ મુંબઈ ઈન્ડિયન્સ ટીમનો કેપ્ટન રોહિત શર્મા ઘણો નિરાશ દેખાઈ રહ્યો હતો.બુધવારે રમાયેલી મેચમાં પંજાબ કિંગ્સે મુંબઈને 12 રને હરાવ્યું હતું. મેચ બાદ રોહિતના નિવેદનમાં હારનું દર્દ પ્રતિબિંબિત થયું હતું. તેણે હાર માટે આડકતરી રીતે વ્યૂહરચના, નબળી બેટિંગ અને સૂર્યકુમાર યાદવને જવાબદાર ઠેરવ્યા હતા. રોહિતે મેચ બાદ કહ્યું. 'અમે મેચમાં સારું રમ્યા. અમે મેચ જીતવાની ખૂબ જ નજીક હતા. કેટલાક રન આઉટ હતા જે અમારી વિરુદ્ધ ગયા. એક સમય હતો જ્યારે અમે મેચમાં સમાન સ્પર્ધા આપતા હતા. અમે બિલકુલ હાર માની નથી પરંતુ તેનો શ્રેય પંજાબ કિંગ્સને આપવો પડશે જેણે બીજા હાફમાં શાનદાર બોલિંગ કરી હતી.

રોહિતે કહ્યું, 'અમે અલગ માનસિકતા સાથે મેચ રમી રહ્યા છીએ પરંતુ યોજના યોગ્ય રીતે કામ કરી રહી નથી. સારું રમનારા ખેલાડીઓને પણ શ્રેય આપવા માંગતો નથી કારણ કે પંજાબે આજે વધુ સારી રમત બતાવી. અમે સારું ક્રિકેટ નથી રમી રહ્યા. આપણે અમુક પરિસ્થિતિઓને સમજવાની અને તે મુજબ વ્યૂહરચના અમલમાં મૂકવાની જરૂર છે. કેપ્ટન રોહિતે કહ્યું, 'મુંબઈની ટીમ પોતાને દોષી ઠેરવે છે કારણ કે અમે ઘણી ભૂલો કરી છે. જ્યારે બ્રેવિસ આઉટ થયો એ પછી બધું અસ્તવ્યસ્ત થઈ ગયું. સૂર્યકુમાર યાદવ બે રન આઉટમાં સામેલ હતો. આ રન આઉટ તિલક વર્મા અને કિરોન પોલાર્ડનો હતો. બંનેમાં સૂર્યનો વાંક હતો. અંતે જ્યારે 10 બોલમાં 26 રનની જરૂર હતી ત્યારે મુંબઈની ટીમ મેચમાં હતી. તે સમયે જયદેવ ઉનડકટે સિંગલ રન લેવાની ના પાડી દીધી હતી. તેના પછીના બોલ પર સૂર્યકુમારે દબાણમાં મોટો શોટ રમ્યો અને આઉટ થયો હતો.