Connect Gujarat
સ્પોર્ટ્સ

શૈલી સિંહએ વર્લ્ડ એથ્લેટિક્સમાં રચ્યો ઈતિહાસ, લાંબી કૂદમાં ભારતને અપાવ્યો સિલ્વર મેડલ

ભારતીય ખેલાડી શૈલી સિંહે શાનદાર પ્રદર્શન કરીને અંડર -20 વર્લ્ડ એથ્લેટિક્સ ચેમ્પિયનશિપમાં લાંબી કૂદમાં સિલ્વર મેડલ જીત્યો છે

શૈલી સિંહએ વર્લ્ડ એથ્લેટિક્સમાં રચ્યો ઈતિહાસ, લાંબી કૂદમાં ભારતને અપાવ્યો સિલ્વર મેડલ
X

ભારતીય ખેલાડી શૈલી સિંહે શાનદાર પ્રદર્શન કરીને અંડર -20 વર્લ્ડ એથ્લેટિક્સ ચેમ્પિયનશિપમાં લાંબી કૂદમાં સિલ્વર મેડલ જીત્યો છે. 6.59 મીટરના અંતર સાથે ફાઇનલમાં શૈલી બીજા સ્થાને રહી હતી. તેણી માત્ર 1 સેન્ટિમીટરથી સુવર્ણ ચૂકી ગઈ. નૈરોબીમાં વર્તમાન ચેમ્પિયનશિપમાં ભારતનો આ ત્રીજો મેડલ હતો. સ્વીડનની 18 વર્ષની માજા અસ્કાગે ગ્રુપ A માં 6.60 મીટરના સમય સાથે ગોલ્ડ અને યુક્રેનની મારિયા હોરિલોવાએ બ્રોન્ઝ મેળવ્યો.

મહિલા લાંબી કૂદની ફાઇનલમાં પ્રથમ અને બીજા પ્રયત્નમાં શેલીએ 6.34 મીટર કૂદકો લગાવ્યો હતો. આ પછી, ત્રીજા પ્રયાસમાં તેણે 6.59 મીટરની છલાંગ લગાવી. તેમ છતાં તેના ચોથા અને પાંચમા પ્રયત્નો ફાઉલ હતા, તેણે છેલ્લા પ્રયાસમાં 6.37 મીટરનું અંતર કાપ્યું હતું.

મહત્વનું છે કે, શૈલીએ જૂનમાં 6.48 મીટરની છલાંગ સાથે રાષ્ટ્રીય આંતર-રાજ્ય ચેમ્પિયનશિપ જીતી હતી. ઝાંસીમાં જન્મેલી શૈલીનો ઉછેર તેની માતાએ કર્યો હતો. તેની માતા કપડાં સીવીને ગુજરાન ચલાવે છે. શેલી હાલમાં બેંગ્લોરમાં પ્રખ્યાત લાંબી કૂદ રમતવીર અંજુ બોબી જ્યોર્જની એકેડેમીમાં તાલીમ લે છે. અંજુનો પતિ બોબી જ્યોર્જ તેના કોચ છે.

અગાઉ શનિવારે ભારતના અમિત ખત્રીએ વર્લ્ડ અંડર 20 એથ્લેટિક્સ ચેમ્પિયનશિપમાં પુરૂષોની 10 કિમી રેસ વોકમાં ઇતિહાસ રચ્યો હતો. તેણે 42.17.94 મિનિટના સમય સાથે સિલ્વર મેડલ જીત્યો. 17 વર્ષના અમિતના આ મેડલના થોડા દિવસો પહેલા ભારતની 4x400 મીટર મિક્સ્ડ રિલે ટીમે બ્રોન્ઝ જીત્યો હતો.

Next Story