T20 World Cup: ઈન્ડિયા ઈંગ્લેન્ડ વચ્ચે આજે વોર્મ અપ મેચ,સાંજે 7.30થી શરૂ થશે
હાલમાં ક્વોલિફાઇંગ રાઉન્ડની મેચ રમાઇ રહી છે. ભારતીય ટીમ 24 ઓક્ટોબરે પાકિસ્તાન સામે પોતાના અભિયાનની શરૂઆત કરશે.
હાલમાં ક્વોલિફાઇંગ રાઉન્ડની મેચ રમાઇ રહી છે. ભારતીય ટીમ 24 ઓક્ટોબરે પાકિસ્તાન સામે પોતાના અભિયાનની શરૂઆત કરશે. આ મેચ પહેલા ભારતીય ટીમે ઇંગ્લેન્ડ અને ઓસ્ટ્રેલિયા સામે બે વોર્મ અપ મેચ રમવાની છે. ટીમ ઈંગ્લેન્ડ સામે પ્રથમ વોર્મ અપ મેચ રમવા જઈ રહી છે. ટીમના તમામ ખેલાડીઓ તાજેતરમાં સમાપ્ત થયેલ IPL (ઇન્ડિયન પ્રીમિયર લીગ) નો ભાગ હતા. આવી સ્થિતિમાં, કોહલીના ખેલાડીઓ માટે મેચ પ્રેક્ટિસ કોઈ સમસ્યા નથી પરંતુ 24 ઓક્ટોબરે પાકિસ્તાન સામે ટુર્નામેન્ટમાં તેમની શરૂઆતની મેચ પહેલા તેઓ યોગ્ય સંયોજન બનાવવાનો પ્રયાસ કરશે. ઈંગ્લેન્ડ અને ઓસ્ટ્રેલિયા સામે ભારતીય ટીમ મેનેજમેન્ટ તે ખેલાડીઓને તક આપવા ઈચ્છે છે. જેમનું પ્લેઈંગ ઈલેવનમાં સ્થાન નિશ્ચિત નથી. આવા ખેલાડીઓને બેટિંગ કે બોલિંગ કરવાની વધુ તક આપવાનો પ્રયાસ કરવામાં આવશે જેથી તેઓ તેમના વર્તમાન ફોર્મ વિશે વધુ સારી રીતે વિચાર કરી શકે. ભારત અને ઇંગ્લેન્ડ વચ્ચે ટી -20 વર્લ્ડ કપની વોર્મ અપ મેચ સાંજે 7.30 વાગ્યે શરૂ થશે. ટોસ સાંજે 7 વાગ્યે થશે. ટીમ ઇન્ડિયાનો ટી 20 વર્લ્ડ કપ 2021 વોર્મ-અપ મેચ સ્ટાર સ્પોર્ટ્સ નેટવર્ક (Star Sports 1, Star Sports 2 Star Sports 3) પર હિન્દી અને અંગ્રેજી કોમેન્ટ્રીમાં લાઇવ ટેલિકાસ્ટ થશે.
