રાજકોટમાં ટીમ ઈન્ડિયાનું શાનદાર પ્રદર્શન, આફ્રિકા સામે 82 રને જીત સાથે શ્રેણી જીવંત રાખી
પ્રથમ બેટિંગ કરતા ટીમ ઈન્ડિયાએ 169 રન બનાવ્યા અને બાદમાં દક્ષિણ આફ્રિકાને માત્ર 87 રનમાં પરાજય આપી શ્રેણી 2-2થી બરાબર કરી લીધી.
ભારત અને દક્ષિણ આફ્રિકા વચ્ચે રાજકોટમાં રમાયેલી ચોથી T20માં ટીમ ઈન્ડિયાએ જીત મેળવી છે. પ્રથમ બેટિંગ કરતા ટીમ ઈન્ડિયાએ 169 રન બનાવ્યા અને બાદમાં દક્ષિણ આફ્રિકાને માત્ર 87 રનમાં પરાજય આપી શ્રેણી 2-2થી બરાબર કરી લીધી. હવે દરેકની નજર છેલ્લી T20 પર રહેશે. જ્યાં ટીમ ઈન્ડિયા શ્રેણી કબજે કરવા માંગશે.
ટીમ ઈન્ડિયા વતી અવેશ ખાને બોલિંગમાં અજાયબી બતાવી જેના પ્રદર્શન પર સતત સવાલો ઉઠી રહ્યા હતા. અવેશ ખાને તેના ક્વોટામાં 4 વિકેટ ઝડપી. જેણે આફ્રિકન ટીમની કમર તોડી નાખી. તેના સિવાય યુઝવેન્દ્ર ચહલે પણ 2 મહત્વની વિકેટ લઈને ટીમ ઈન્ડિયાને મજબૂત બનાવી હતી. આ સિવાય અક્ષર પટેલ અને હર્ષલ પટેલે પણ 1-1 વિકેટ લીધી હતી. જો કે બેટિંગ દરમિયાન આફ્રિકન ટીમની માત્ર 9 વિકેટ પડી હતી. પરંતુ કેપ્ટન ટેમ્બા બાવુમા રિટાયર્ડ હર્ટ થઈ ગયા હતા. આવી સ્થિતિમાં. આફ્રિકાની ટીમ 9 વિકેટે ઓલઆઉટ માનવામાં આવી હતી અને ભારતીય ટીમે મેચ જીતી લીધી હતી.
