Connect Gujarat
Featured

સ્વામિ વિવેકાનંદની જન્મજયંતિ નિમિત્તે રાજયમાં ઠેર ઠેર બાઇક રેલી યોજાઇ

સ્વામિ વિવેકાનંદની જન્મજયંતિ નિમિત્તે રાજયમાં ઠેર ઠેર બાઇક રેલી યોજાઇ
X

યુવાઓના આર્દશ ગણાતાં સ્વામી વિવેકાનંદની જન્મજયંતિના અવસરે મંગળવારના રોજ ભાજપના યુવા મોરચાના ઉપક્રમે બાઇક રેલીનું આયોજન કરવામાં આવ્યું હતું. ભરૂચ સહિત રાજયના અન્ય શહેરોમાં નીકળેલી બાઇક રેલીમાં આગેવાનો અને મોટી સંખ્યામાં કાર્યકરો જોડાયાં હતાં.

દેશના પ્રેરણાસ્ત્રોત અને વિશ્વભરમાં ભારતની આધ્યાત્મિકતાનો ડંકો વગાડનાર સ્વામી વિવેકાનંદની 12મી જાન્યુઆરીના રોજ જન્મજયંતિની ઉજવણી કરવામાં આવે છે. આ દિવસને દેશભરમાં યુવા દિવસ તરીકે ઉજવવામાં આવે છે. તેમના વિચારો અને જીવન પ્રેરણાદાયક છે.

વિવેકાનંદે અમેરિકાના શિકાગોમાં 1893 માં વર્લ્ડ રિલીઝન જનરલ એસેમ્બલીમાં દેશના સનાતન ધર્મનું પ્રતિનિધિત્વ કર્યું હતું. તેમના ગુરુ રામકૃષ્ણ પરમહંસ હતા. તેમની યાદમાં તેમણે રામકૃષ્ણ મિશનની સ્થાપના કરી. તે આજે આખા દેશમાં કાર્યરત છે. યુવા દિવસ નિમિત્તે રાજયભરમાં ભાજપના યુવા મોરચાના ઉપક્રમે બાઇક રેલીનું આયોજન કરવામાં આવ્યું હતું.

Next Story
Share it