Realmeનો સૌથી સસ્તો 5G ફોન, જાણો કિંમત અને ફીચર્સ.!

સ્માર્ટફોન બ્રાન્ડ Realme ના 5G ફોન Realme 9i 5Gનું આજે ભારતમાં પ્રથમ વેચાણ છે. કંપનીએ આ ફોનને 18 ઓગસ્ટે સ્માર્ટફોન માર્કેટમાં રજૂ કર્યો હતો. આ ફોન ફ્લિપકાર્ટ પરથી 12,999 રૂપિયાની પ્રારંભિક કિંમતે ખરીદી શકાય છે. Realme 9i 5G મેટાલિક ગોલ્ડ, રોકિંગ બ્લેક અને સોલફુલ બ્લુ કલર અને બે સ્ટોરેજ વિકલ્પોમાં ખરીદી માટે ઉપલબ્ધ છે. ફોનમાં 6.6-ઇંચની ડિસ્પ્લે સાથે MediaTek Dimensity 810 પ્રોસેસર છે. ઉપરાંત ફોન 50 મેગાપિક્સલનો રીઅર કેમેરા સેટઅપ અને 5,000mAh બેટરીને સપોર્ટ કરે છે.

Realme 9i 5G ની વિશિષ્ટતાઓ

ફોનના ફીચર્સ વિશે વાત કરીએ તો Realme 9i 5G એન્ડ્રોઇડ 12 આધારિત UI 3.0 સાથે આવે છે. તેનું ડિસ્પ્લે 90Hz રિફ્રેશ રેટ, (1,080x2,400 પિક્સેલ્સ) રિઝોલ્યુશન અને 400 nits બ્રાઈટનેસને સપોર્ટ કરે છે. ફોનમાં ઓક્ટા-કોરનું MediaTek Dimensity 810 પ્રોસેસરનો પાવર પણ આપવામાં આવ્યો છે.

Realme 9i 5Gમાં ત્રણ કેમેરા ઉપલબ્ધ છે. પ્રાથમિક કેમેરા 50 મેગાપિક્સલનો સેન્સર છે, જે f/1.8 અપર્ચર સાથે આવે છે. સેલ્ફી માટે ફોનમાં 8 મેગાપિક્સલનો ફ્રન્ટ કેમેરો છે, જે f/2.0 અપર્ચર સાથે આવે છે. આ ઉપરાંત ફોનના પાછળના ભાગમાં ડેપ્થ અને મેક્રો સેન્સર પણ ઉપલબ્ધ છે. ફોનમાં 6 GB સુધીની LPDDR4X RAM સાથે 128 GB સુધીનો સ્ટોરેજ છે. Realme 9i 5G ની બેટરી વિશે વાત કરીએ તો તેમાં 5000mAh બેટરી છે અને 18W ફાસ્ટ ચાર્જિંગ માટે સપોર્ટ છે.