હવે ટાઈપિંગની જરૂર નથી, આવી રીતે કરો તમારા અવાજમાં ટ્વીટ

માઇક્રોબ્લોગિંગ સાઇટ ટ્વિટરે વર્ષ 2020માં વોઇસ ટ્વીટ સુવિધા શરૂ કરી. આ સુવિધા દ્વારા યુઝર્સને ટ્વીટ કરવા ટાઇપ કરવાની જરૂર નથી, પરંતુ આની મદદથી યુઝર્સ ટ્વિટર પર ઝડપથી ટ્વીટ કરી શકે છે. Twitter પર વોઇસ ટ્વીટ્સ પોસ્ટ કર્યા પછી વપરાશકર્તાઓ તેમના ટેક્સ્ટ ટ્વીટ્સને ફોલો-અપ્સ તરીકે એડ કરી શકે છે. ચાલો જાણીએ કે આ સુવિધાનો ઉપયોગ કેવી રીતે કરી શકાય.

વપરાશકર્તાઓ આ ટ્વીટ્સ વાંચવાને બદલે સાંભળી શકે છે. આ સાથે માત્ર ટ્વીટ કરનારને જ નહીં પરંતુ ફોલોવર્સને પણ એક અલગ અનુભવ મળશે. જો કે યુઝર્સ આમાં ફક્ત બે મિનિટ અને 20 સેકંડ સુધીના વોઇસ ટ્વીટ્સ પોસ્ટ કરી શકે છે. જો યુઝર્સ આ સમય કરતા વધુ પોસ્ટ રેકોર્ડ કરે છે, તો આ ટ્વીટ આપમેળે થ્રેડમાં મૂકવામાં આવશે.

ટ્વિટરની આ વિશેષ સુવિધા હાલમાં ફક્ત iOS યુઝર્સ માટે ઉપલબ્ધ છે. જ્યારે એન્ડ્રોઇડ યુઝર્સ માટે તેને ક્યારે રોલઆઉટ કરવામાં આવશે તે અંગે કોઈ માહિતી આપવામાં આવી નથી. જો કે, ડેસ્કટોપ, એન્ડ્રોઇડ અને અન્ય પ્લેટફોર્મ પરના યુઝર્સ આ ટ્વીટ્સ સાંભળી શકશે.

વોઇસ ટ્વિટર સુવિધાનો ઉપયોગ કરવા માટે, પહેલા આઇફોન અથવા આઈપેડ પર ટ્વિટર એપ્લિકેશન ખોલો. હવે નીચે જમણી બાજુથી Tweet Compose ચિહ્ન પર ટેપ કરો. આ કર્યા બાદ, હવે કીબોર્ડની ટોચ પર 'વેવલેન્થ' વોઇસ ટ્વીટ ચિહ્ન પર ટેપ કરો. આ કર્યા પછી સંદેશ રેકોર્ડ કરવાનું પ્રારંભ કરશે. જ્યારે તમે તમારો સંદેશ પૂર્ણ કરી લો, ત્યારે ટેપ કરો.