પીએમ કેર્સ ફંડનું થશે ઓડિટ, સ્વતંત્ર ઓડિટરની કરાઇ નિમણૂક

આરટીઆઈ કાર્યકરોએ પારદર્શિતાના અભાવને દર્શાવતા બોમ્બે હાઈકોર્ટ તેમજ દિલ્હી હાઈકોર્ટમાં આ પીએમ કેર્સ ફંડને પડકાર્યું હતું. જો કે, આ આરટીઆઈનો જવાબ આપવામાં આવ્યો ન હતો.

કોરોના વાયરસથી દેશના ત્રણ લાખથી વધુ લોકો ચેપગ્રસ્ત થયા છે. કેન્દ્ર અને રાજ્ય સરકારો કોરોના વાયરસને હરાવવા સતત મળીને કામ કરી રહી છે. જો કે, આ દરમિયાન, પીએમ કેર્સ ફંડ અંગેનો વિવાદ વધી રહ્યો છે. ત્યારે હવે પીએમ કેર્સ ફંડનું ઓડિટ કરવામાં આવશે.

વિવાદો અને કોર્ટના કેસોનો સામનો કરી રહેલા મોદી સરકારે શુક્રવારે પીએમ કેર્સ ફંડ અંગેની માહિતીને અપડેટ કરવા માટે એક સ્વતંત્ર ઓડિટરની નિમણૂક કરી છે. જ્યારે વડા પ્રધાન કાર્યાલયના બે અધિકારીઓ આ ભંડોળ માનદ ધોરણે ચલાવશે.

તાજેતરમાં જ પીએમ કેર્સ ફંડ વિશેની માહિતી માટે કોર્ટમાં આરટીઆઈ કરવામાં આવી હતી. આરટીઆઈ કાર્યકરોએ પારદર્શિતાના અભાવને દર્શાવતા બોમ્બે હાઈકોર્ટ તેમજ દિલ્હી હાઈકોર્ટમાં આ ભંડોળને પડકાર્યું હતું. જો કે, આ આરટીઆઈનો જવાબ આપવામાં આવ્યો ન હતો.

જોકે, હવે આરટીઆઈ અરજીઓમાં કેટલાક પ્રશ્નોના જવાબ પીએમ કેર્સ ફંડની વેબસાઇટ પર આપવામાં આવ્યા છે. જે અનુસાર, ભંડોળ 27 માર્ચે ચેરિટેબલ ટ્રસ્ટ તરીકે નોંધાયું હતું. તેની મુખ્ય કચેરી દક્ષિણ બ્લોકમાં પીએમ કાર્યાલય તરીકે રજીસ્ટર છે.

ઓનલાઇન આરટીઆઈ

પીએમ કેર્સ ફંડ વિશેની માહિતી આરટીઆઈ દ્વારા માંગવામાં આવી હતી. જો કે, પીએમઓ દ્વારા આ માહિતીનો ઇનકાર કરવામાં આવ્યો હતો. આરટીઆઈ હેઠળ સીપીઆઈઓ દ્વારા માંગવામાં આવેલી માહિતીને એમ કહીને નકારી કાઢવામાં આવી હતી કે પીએમ કેર્સ ફંડ આરટીઆઈના દાયરામાં આવતું નથી.

ભંડોળ ઉપર વિવાદ

જોકે, પીએમ કેર્સ ફંડ શરૂઆતથી વિવાદોથી ભરેલું છે. પીએમ કેર્સ ફંડ માટે સીએસઆર દાનને મંજૂરી છે પરંતુ સીએમ રિલીફ ફંડ માટે નહીં. આ ઉપરાંત બોર્ડના ટ્રસ્ટીઓના નામ અઢી મહિના બાદ પણ બહાર આવ્યા નથી. પીએમ રાષ્ટ્રીય રાહત ભંડોળ માટે કોઈ પીએસયુ દાન નથી, પરંતુ તે પીએમ કેર માટે માન્ય છે. આ સિવાય વિદેશી દાનમાં પણ પારદર્શિતાનો અભાવ છે.

દાનની અપીલ

હાલમાં દેશમાં કોરોના વાયરસનો કહેર જોવા મળી રહ્યો છે. દરરોજ નવા કોરોના વાયરસ દર્દીઓની પુષ્ટિ થઈ રહી છે. જે બાદ વડા પ્રધાન નરેન્દ્ર મોદીએ લોકોને માર્ચ મહિનામાં કોરોના રોગચાળાને પહોંચી વળવા પીએમ કેર્સ ફંડમાં દાન આપવા અપીલ કરી હતી.