વિજય માલ્યાએ ફરી કરી ઓફર, કહ્યું- ‘હું બધા રૂપિયા આપવા તૈયાર છું’

ભારતમાંથી ભાગીને બ્રિટેનમાં રહેનારા વિજય માલ્યાએ એક વખત ફરી કહ્યું કે, તે પોતાની તમામ લોન ચૂકવવા તૈયાર છે. વિજય માલ્યાએ મંગળવારે સવારે 2 ટ્વીટ કરીને આ અંગે કહ્યું છે. માલ્યાએ કહ્યું કે, બેન્ક અને ED મારી મદદ નથી કરી રહ્યાં.

ભાગેડુ ઘોષીત થયેલા વિજય માલ્યાએ લખ્યું કે, ભારત સરકારે સમગ્ર દેશને લોકડાઉન કર્યો છે, જે કોઈએ પણ વિચાર્યું નહોતું. હું આ નિર્ણયનું સમ્માન કરૂં છું, પરંતુ લોકડાઉનના કારણે મારી તમામ કંપનીઓનું કામ-કાજ બંધ થઇ ગયું છે. તમામ પ્રકારનું ઉત્પાદન બંધ છે. આ ઉપરાંત અમે કર્મચારીને ઘરે મોકલી શકતા નથી અને કર્મચારીને કિંમત પણ ચૂકવવી પડે છે. સરકારે અમને મદદ કરવી જોઈએ.

માલ્યાએ એમ પણ લખ્યું કે, તેમણે ઘણી વખત ઓફર આપી છે કે, તે રૂપિયા આપવા તૈયાર છે. સાથે જ તેમણે આરોપ લગાવ્યો કે, તે ઘણી વખત આવી ઓફર આપી ચૂક્યા છે, પરંતુ બેન્ક અને ED રૂપિયા લેવા તૈયાર નથી

માલ્યાએ કહ્યું કે, મને આશા છે કે, નાણાં પ્રધાન આ મુશ્કેલીના સમયમાં મારી વાત સાંભળશે.

ઉલ્લેખનીય છે કે, વિજય માલ્યાએ ઘણી વખત આ પ્રકારની રજૂઆત કરી છે. આ અગાઉ પણ તેમણે આ પ્રકારની ઓફર ટ્વીટરના માધ્યમથી આપી છે.