અબુ ધાબીમાં સિલિન્ડર બ્લાસ્ટમાં 100થી વધુ ભારતીયો ઘાયલ, બેના મોત
UAEની રાજધાની અબુ ધાબીમાં સિલિન્ડર બ્લાસ્ટમાં બે લોકોના મોત થયા છે. મૃતકોમાં એક ભારતીય અને એક પાકિસ્તાની નાગરિક છે.
UAEની રાજધાની અબુ ધાબીમાં સિલિન્ડર બ્લાસ્ટમાં બે લોકોના મોત થયા છે. મૃતકોમાં એક ભારતીય અને એક પાકિસ્તાની નાગરિક છે. અધિકારીઓએ ગુરુવારે આ માહિતી આપી છે. આ અઠવાડિયાની શરૂઆતમાં અબુ ધાબીની એક હોટલમાં સિલિન્ડર બ્લાસ્ટ થયો હતો. વિસ્ફોટમાં 106 ભારતીયો સહિત 120 લોકો ઘાયલ થયા હતા.
આ ઘટના અબુ ધાબીના એક રેસ્ટોરન્ટમાં બની હતી, જેમાં કુલ 120 લોકો ઘાયલ થયા હતા. ધ ખલીજ ટાઈમ્સે બુધવારે અહેવાલ આપ્યો હતો કે બે મૃતકોમાં એક ભારતીય અને એક પાકિસ્તાનીનો સમાવેશ થાય છે.ભારતીય દૂતાવાસે પણ પુષ્ટિ કરી છે કે મૃતકોમાં એક ભારતીય હતો. "યુએઈની રાજધાની અબુ ધાબીમાં એક રેસ્ટોરન્ટમાં ગેસ વિસ્ફોટમાં બે લોકો - એક ભારતીય અને એક પાકિસ્તાની પ્રવાસી - માર્યા ગયા અને 106 ભારતીયો સહિત 120 લોકો ઘાયલ થયા," અહેવાલમાં જણાવાયું છે. દૂતાવાસ મૃતદેહોને ઝડપથી પરત લાવવા માટે સ્થાનિક અધિકારીઓ સાથે નિયમિત સંપર્કમાં છે અને UAE સત્તાવાળાઓ દ્વારા તમામ સમર્થનની ખાતરી આપી છે. દૂતાવાસના અધિકારીઓ મૃતકના પરિવારનો સંપર્ક કરી રહ્યા છે અને ઝડપથી શક્ય તમામ મદદ પૂરી પાડી રહ્યા છે.
