રશિયા થયું વધુ આક્રમણ, યુક્રેનના એરબેઝ અને લશ્કરી મથકને મિસાઇલોથી ઉડાવી દીધા

રાષ્ટ્રપતિ પુતિને યુક્રેનમાં લશ્કરી કાર્યવાહીનો આદેશ આપ્યો છે. પુતિને કહ્યું છે કે જો યુક્રેન પીછેહઠ નહીં કરે તો યુદ્ધ થશે. પુતિને યુક્રેનની સેનાને જલદી શસ્ત્રો નીચે મૂકવાની ધમકી આપી, નહીં તો યુદ્ધ ટાળી શકાય નહીં. પુતિને વધુમાં કહ્યું કે જો કોઈ અન્ય દેશ મધ્યમાં આવશે તો તેની સામે પણ જવાબી કાર્યવાહી કરવામાં આવશે.

રશિયન પ્રમુખ પુતિને લશ્કરી કાર્યવાહીના આદેશ આપ્યા બાદ રશિયા યુક્રેન વિરુદ્ધ વધુ આક્રમક બન્યું છે. નવીનતમ માહિતી અનુસાર, રશિયન સેનાએ માહિતી આપી છે કે તેણે યુક્રેનના સૈન્ય અને હવાઈ મથકોને નિશાન બનાવીને નષ્ટ કરી દીધા છે. યુક્રેને દેશની અંદર નાગરિક ફ્લાઈટ પર પ્રતિબંધ મૂક્યા બાદ એર ઈન્ડિયાની એક ફ્લાઈટ દિલ્હી પરત ફરી હતી. રશિયન હુમલાઓ વચ્ચે યુક્રેનમાં 'માર્શલ લો' જાહેર કરવામાં આવ્યો છે.

તે જ સમયે, સાવચેતીના ભાગ રૂપે, કિવ એરપોર્ટને ખાલી કરાવવામાં આવી રહ્યું છે. ન્યૂઝ એજન્સી AFP અનુસાર રાજધાની કિવ સહિત અનેક જગ્યાએ વિસ્ફોટ થઈ રહ્યા છે. રશિયનોએ હુમલો શરૂ કર્યા બાદ યુક્રેનની સરકારે કિવ એરપોર્ટને ખાલી કરવાનું શરૂ કરી દીધું છે. રશિયાએ કિવ-ખાર્કિવ સહિત યુક્રેનના અનેક શહેરો પર મિસાઈલ હુમલા કર્યા છે. સ્થિતિ ગંભીર બની રહી છે.સંયુક્ત રાષ્ટ્રમાં રશિયાના પ્રતિનિધિએ કહ્યું કે રાષ્ટ્રપતિ વ્લાદિમીર પુતિન દ્વારા જાહેર કરાયેલી વિશેષ કાર્યવાહી યુક્રેનના લોકોની સુરક્ષા માટે છે, જેઓ વર્ષોથી પીડિત છે. અમારો ધ્યેય યુક્રેનને નરસંહારથી મુક્ત કરવાનો છે. તેમણે કહ્યું કે આ નિર્ણય સંયુક્ત રાષ્ટ્ર ચાર્ટરની કલમ 51 અનુસાર લેવામાં આવ્યો છે, અમે યુક્રેનની સ્થિતિનું વિશ્લેષણ કરીશું.