સ્ટારબક્સ કંપનીના સીઈઓ તરીકે ભારતીય મૂળના લક્ષ્મણ નરસિમ્હનની પસંદગી

વિશ્વની સૌથી મોટી કોફી જાયન્ટ કંપની સ્ટારબક્સ ભારતીય મૂળના લક્ષ્મણ નરસિમ્હનને તેના નવા ચીફ એક્ઝિક્યુટિવ ઓફિસર (CEO) તરીકે નિયુક્ત કર્યા છે. લક્ષ્મણ નરસિમ્હન 1 ઓક્ટોબરથી કંપનીમાં જોડાશે અને હોવર્ડ શુલ્ટ્ઝ(Howard Schultz)ની જગ્યા લેશે. જ્યારે હાવર્ડ શુલ્ટ્ઝ એપ્રિલ 2023 સુધી વચગાળાના વડા તરીકે રહેશે, જે પછી તે સ્ટારબક્સ બોર્ડ ઓફ ડિરેક્ટર્સ ના સભ્ય તરીકે રહેશે.સ્વતંત્ર સ્ટારબક્સ બોર્ડના અધ્યક્ષ મેલોડી હોબ્સને એક નિવેદનમાં નરસિમ્હનને "પ્રેરણાદાયી નેતા" તરીકે વર્ણવ્યા હતા.

તેમણે લક્ષ્મણ વિષે વધુ કહેતા જણાવ્યું કે "વૈશ્વિક ઉપભોક્તા નો સામનો કરી રહેલા વ્યવસાયોમાં વ્યૂહાત્મક ફેરફારોને આગળ ધપાવવાની તેનો ઊંડો, વ્યવહારુ અનુભવ તેમને સ્ટારબક્સ વિકાસને વેગ આપવા અને અમારી આગળની તકોને પ્રાપ્ત કરવા માટે આદર્શ પસંદગી બનાવે છે સ્ટારબક્સ પહેલા, નરસિમ્હન મેકકિન્સે એન્ડ કંપનીમાંસિનિયર પાર્ટનર હતા. તેઓ બ્રૂકિંગ્સ ઇન્સ્ટિટ્યૂશન ના ટ્રસ્ટી પણ છે. લક્ષ્મણ નરસિમ્હન સપ્ટેમ્બર 2019માં રેકિટમાં જોડાયા હતા અને 1999 માં લોન્ચ થયા પછી કંપનીમાં પદ સંભાળનાર પ્રથમ બાહ્ય ઉમેદવાર બન્યા હતા. લક્ષ્મણ નરસિમ્હને પેપ્સિકોના વૈશ્વિક મુખ્ય વાણિજ્યિક અધિકારી તરીકે અનેક નેતૃત્વની ભૂમિકા પણ ભજવી છે. નરસિમ્હને લેટિન અમેરિકા, યુરોપ અને ઉપ-સહારા આફ્રિકામાં કંપનીના ઓપરેશન ના સીઈઓ તરીકે પણ સેવા આપી છે