Connect Gujarat
દુનિયા

અમેરિકાની એસીટેસી : ભારત રશિયા પાસેથી બે ઘણો વધારે કોલસો ખરીદશે

યુક્રેન સાથેના યુદ્ધ વચ્ચે રશિયા પાસેથી ઓઇલ ખરીદતાં અમેરિકા સહિતના પશ્ચિમ દેશો પહેલેથી જ ભારતથી વાંકુ મોં કરીને ચાલી રહ્યા છે.

અમેરિકાની એસીટેસી : ભારત રશિયા પાસેથી બે ઘણો વધારે કોલસો ખરીદશે
X

યુક્રેન સાથેના યુદ્ધ વચ્ચે રશિયા પાસેથી ઓઇલ ખરીદતાં અમેરિકા સહિતના પશ્ચિમ દેશો પહેલેથી જ ભારતથી વાંકુ મોં કરીને ચાલી રહ્યા છે. પણ હવે એવુ લાગે છે કે, ભારતે સ્પષ્ટ કરી દીધું છે કે, તે તેના દેશ હિત ની આગળ પશ્ચિમી દેશોની રાજનીતિથી કંઈ ફરત નથી પડવાનો. યુક્રેન યુદ્ધને લઈને એક બાજુ જ્યાં અમેરિકા અને પશ્ચિમી દેશ સતત રશિયા પર પ્રતિબંધો લગાવી રહ્યા છે, તો વળી ભારત ભારે છૂટ પર તેલ ખરીદ્યા બાદ હવે રશિયા પાસેથી કોલસાનો ઓેર્ડર પર બમણો કરી દીધો છે

ભારત સરકારે સ્પષ્ટ શબ્દોમાં કહ્યું છે કે, તે પશ્ચિમી દેશોના પ્રભાવમાં આવ્યા વગર દેશહિતને પહેલા જોશે અને જે દેશમાંથી તેને ફાયદો થશે, તે દેશ સાથે તે બિઝનેસ કરશે. મોદી કેબિનેટે રશિયા પાસેથી બે ગણો વધારે કોલસો ખરીદવાની મંજૂરી પણ આપી દીધી છે, જે બાદ માનવામા આવી રહ્યું છે કે, અમેરિકા અને પશ્ચિમી દેશ ભારત પર વધારે ભડકી જશે. ભારત સરકારના મંત્રીએ કહ્યું હતું કે, ભારત રશિયા પાસેથી કોલસો ખરીદી રહ્યું છે. ભારતના કેન્દ્રીય મંત્રી રામચંદ્ર પ્રસાદ સિંહે રવિવારે કહ્યું કે, ભારત રશિયા પાસેથી કોકિંગ કોલ આયાત કરવાની દિશામાં આગળ વધી રહ્યો છે. હાલના સમયમાં કેટલાય દેશ યુક્રેન પર રશિયાના આક્રમણને લઈને મોસ્કોના વેપારી સંબંધ વધારવાથી દૂર ભાગી રહ્યા છે.

પણ રશિયા તરફથી ભારે ડિસ્કાઉંટ મળ્યા બાદ ભારત સરકારે રશિયા પાસેથી ક્રૂડ ઓલ ખરીદવાનો નિર્ણય કર્યો હતો અને રશિયાની સૌથી મોટી તેલ કંપની પાસેથી ભારતે ઓર્ડર પણ કરી દીધો છે. ત્યારે હવે ભારત રશિયા પાસે વધુ એક ડીલ કરવા જઈ રહ્યું છે.ભારત અને ચીન પોતે પણ ભારે સંખ્યામાં કોલસાનું ઉત્પાદન કરે છે. પણ ભારત અને ચીનમાં જે કોલસાનું ઉત્પાદન થાય છે, તેની ક્વાલિટી સારી નથી અને રશિયાના કોલસામાં ખૂબ જ કાર્બન હોય છે, જે સ્ટીલ ઉદ્યોગ માટે ખૂબ જ સારો હોય છે. કારણ કે, ભારતમાં સ્ટીલ ઉદ્યોગ વિશાળ છે. તેથી રશિયાના કોલસાની ડિમાન્ડ વધારે રહે છે. રિપોર્ટ્સ અનુસાર જહાજોમાં લગભગ 10.6 લાખ ટન કોલસો, જે મુખ્ય રીતે સ્ટીલ બનાવવા અને થર્મલ પાવર સ્ટેશનમાં ઉપયોગ કરવામાં આવે છે. તે આગામી 2થી 3 દિવસમાં ભારતીય બંદરો પર આવી જશે અને રિપોર્ટ્સમાં કહેવાયુ છે કે, જાન્યુઆરી 2020 બાદ ભારતે પહેલી વાર રશિયા પાસેથી આટલી મોટી માત્રામાં કોલસાની આયાત કરી છે.

Next Story