રોલ્સ રોય માર્કેટમાં લોન્ચ કરશે ડ્રાઇવર વગરની કાર

લક્ઝરી કારના સેગમેન્ટમાં દબદબો ધરાવતી રોલ્સ રોયે લંડનમાં એક ઇવેન્ટ દરમિયાન તેમની નવી લક્ઝરી કાર ‘વિઝન નેકસ્ટ 100’ કન્સેપ્ટ રજૂ કર્યો હતો.

રોલ્સ રોયની આ નવી કાર 20 ફુટ લાંબી અને 5 ફુટ ઉંચી હશે. આ કાર સંપૂર્ણપણે ઓટોમેટિક હશે. એલિએનર નામનું કોમ્પ્યુટર આ કારને ઓપરેટ કરશે. તેનો અર્થ એવો થયો કે કાર ચલાવવા માટે ડ્રાઇવરની જરૂર નહી રહે.

આ પ્રસંગે કંપનીના સીઇઓ ટોસ્ટન મુલર ઓટવસે કહ્યું હતું કે આ કારને પ્રદર્શિત કરીએ તે પહેલાં અમે વિચાર્યું હતું કે અમે ઇતિહાસનું પુનરાવર્તન નહી કરીએ. તેથી, અમે ઇનોવેશન પર વધારે ભાર મૂક્યો. તે સાથે જ અમે ડિઝાઇનમાં પણ ધરખમ ફેરફાર કરવાનું નક્કી કર્યું હતું.

જોકે, લુક્સમાં જોવા જઇએ તો આ ફ્યુચર કારને જોઇને અંદાજ લગાવી શકાશે કે તે રોલ્સ રોયની કાર છે.