મુંબઇની કેમિકલ ફેક્ટરીમાં ભીષણ આગ, 3ના મોત

મુંબઇના ડોમ્બિવલી વિસ્તારમાં એક કેમિકલ ફેક્ટરીના બોઇલર યુનિટમાં ભીષણ આગ લાગતા 3 લોકોના મોત થયા છે જ્યારે 30 લોકોના ઘાયલ થયા છે.

એક ન્યૂઝ વેબસાઇટ મુજબ MIDCના ફેઝ-2માં આવેલી હરબર્ટ બ્રાઉન કેમિકલ ફેક્ટરીમાં આગ લાગી હતી. આગ એટલી ભયાનક હતી કે તેની ગરમી 3.4 કિમીના ડાયામીટરમાં અનુભવાતી હતી. તેના કારણે આસપાસના રહિશોના ઘર અને ઓફિસોની બારીઓના કાચ અને દરવાજા પણ તૂટી ગયા હતા.

સુત્રો દ્વારા જાણવા મળ્યા મુજબ હજુ ઘણાં લોકો ફસાયેલા હોવાનો ભય વ્યક્ત કરાઇ રહ્યો છે. જોકે, ફાયરબ્રિગેડે ઘટનાસ્થળે પહોંચીને યુદ્ધના ધોરણે બચાવકાર્ય શરૂ કરી દીધું છે.