ભરૂચમાં બેંક કર્મચારીઓની હડતાલ
સ્ટેશન રોડ પર નોંધવાયો વિરોધ
કાળા કપડા પહેરી વિરોધ પ્રદર્શન
5 ડે બેન્કિંગ સહિતની માંગ
શનિ અને રવિવારે પણ બેંક બંધ રહેશે
ભરૂચ સહિત સમગ્ર રાજ્યમાં SBI, PNB અને યૂનિયન બેંક સહિત સરકારી અને કેટલીક ખાનગી બેંક આજે 11 સપ્ટેમ્બરથી ત્રણ દિવસ બંધ રહેશે. યુનાઇટેડ ફોરમ ઓફ બેંક યુનિયન્સે( UFBU) બે વર્ષથી પડતર 5-ડે વર્કિંગની માંગ સાથે આજે શુક્રવારે એક દિવસની હડતાળનું એલાન કર્યું છે.
ભરૂચમાં આજે બેંક કર્મચારીઓની હડતાળના પગલે બેંકિંગ કામગીરીને અસર જોવા મળી હતી. વિવિધ પડતર માંગણીઓને લઈને બેંક કર્મચારીઓ દ્વારા વિરોધ પ્રદર્શન કરવામાં આવ્યું હતું.ભરૂચના સ્ટેશન રોડ સ્થિત બેંક ઓફ બરોડા ખાતે બેંક કર્મચારીઓ કાળા કપડાં પહેરી એકત્ર થયા હતા.
કર્મચારીઓએ પોતાની વિવિધ માંગણીઓને લઈને સૂત્રોચાર કરી વિરોધ નોંધાવ્યો હતો.બેંકિંગ ક્ષેત્રમાં 5-ડે બેંકિંગ સહિતની વિવિધ માંગણીઓને લઈને કર્મચારીઓ દ્વારા હડતાળનું આયોજન કરવામાં આવ્યું છે. સ્ટેશન રોડ ખાતે કર્મચારીઓએ એકસાથે મળી પોતાની માંગણીઓના સમર્થનમાં અવાજ ઉઠાવ્યો હતો. હડતાળના કારણે બેંકની કાઉન્ટર સેવાઓ અને રોજિંદી કામગીરી પર અસર જોવા મળી હતી.
