ભરૂચ: માનવ અધિકાર આયોગના સભ્યની મુલાકાત પૂર્વે કલેક્ટરની અધ્યક્ષતામાં તૈયારીઓની સમીક્ષા બેઠક યોજાઈ

આ મુલાકાત દરમિયાન તેઓ જિલ્લામાં માનવ અધિકાર, સમાવેશી વિકાસ અને કેન્દ્ર તથા રાજ્ય સરકારની વિવિધ કલ્યાણકારી યોજનાઓના અમલીકરણની વિસ્તૃત સમીક્ષા કરનાર છે. આ હાઈ-પ્રોફાઈલ મુલાકાતના આગોતરા આયોજન અને તેની તૈયારીઓ માટેના સંકલન માટે ભરૂચ જિલ્લા કલેક્ટર નવનાથ ઘવાણેની અધ્યક્ષતામાં કલેક્ટર કચેરીના વી.સી. રૂમ ખાતે વિવિધ લાઈઝન અધિકારીશ્રીઓની સમિક્ષા બેઠક યોજાઈ હતી. આ પ્રસંગે ભરૂચ જિલ્લા કલેક્ટરે બેઠકમાં વિવિધ વિભાગોના ઉચ્ચ અધિકારીઓને તેમને સંલગ્ન વિવિધ કલ્યાણકારી યોજનાઓના અમલીકરણની સમીક્ષા કરી જરૂરી સુચનો આપ્યા હતા.