અરવલ્લી : રાજસ્થાનનો બાઈક ચોર જીવણપુર નજીકથી ઝડપાયો, પોલીસે વધુ તપાસ હાથ ધરી

નવનિયુક્ત ગાંધીનગર રેન્જ આઈજી અભયસિંહ ચુડાસમા અને અરવલ્લી જિલ્લા પોલીસ વડા સંજય ખરાતના આગમન પછી જીલ્લામાં પ્રોહિબિશનની શખ્ત કાર્યવાહી, ચોરી લૂંટના વણઉકેલ્યા ગુન્હાનોનો ઝડપથી ભેદ ઉકેલાઈ રહ્યો છે.

અરવલ્લી એલસીબી પોલીસે શામળાજી-જીવણપુર રોડ પરથી ચોરીની બાઈક સાથે પસાર થઈ રહેલા રાજસ્થાનના બાઈક ચોર સાગર કાંતિલાલ ગામેતીને ઝડપી પાડ્યો હતો. જેમાં બાઈક ચોરે ચોરેલ 3 બાઈક રિકવર કરી આગળની તપાસ અર્થે મોડાસા રૂરલ પોલીસને સોંપવામાં આવ્યો હતો.

અરવલ્લી જીલ્લા એલસીબી પીઆઈ આર.કે.પરમાર અને તેમની ટીમ શામળાજી નજીક પેટ્રોલિંગમાં હતી. તે દરમ્યાન રાજસ્થાનનો બાઈક ચોર મોડાસા તરફ જઈ રહ્યો હોવાની બાતમી મળતા જીવણપુર નજીક ત્રણ રસ્તા પર વોચ ગોઠવી હતી, ત્યારે બાતમી આધારિત બાઈક સાથે પસાર થતા સાગર કાંતિલાલ ગામેતીને અટકાવી આગવી ઢબે પૂછરપછ કરતા બાઈક ચોરીનું હોવાનું અને અન્ય 2 બાઈકની ઉઠાંતરી કરી હોવાનું કબૂલ કર્યું હતું. જેમાં 2 પલ્સર બાઇક રિકવર કરી કાયદેસરની કાર્યવાહી હાથ ધરવામાં આવી છે.