ભરૂચ: કિન્નર સમાજ દ્વારા કરાયુ મતદાન,અન્યોને પણ વધુમાં વધુ મતદાન કરવાની કરી અપીલ

ભરૂચમાં લોકસભાની ચૂંટણીમાં મતદારો ઉત્સાહભેર ભાગ લઈ રહ્યા છે ત્યારે કીન્નર સમાજ દ્વારા પણ પોતાના મતાધિકારનો ઉપયોગ કરવામાં આવ્યો હતો.

ભરૂચમાં લોકસભાની ચૂંટણીના રંગ જોવા મળી રહ્યા છે ત્યારે આ મહાઉત્સવમાં કિન્નર સમાજ પણ સહભાગી બન્યુ હતું. કિન્નર સમાજ વધુમાં વધુ મતદાન કરે અને અન્ય લોકો પણ મતદાનમાં જોડાય એ માટે ભરુચ કલેક્ટર તુષાર સુમેરા દ્વારા વિશેષ પ્રયત્નો કરવામાં આવ્યા હતા ત્યારે આજરોજ મોટી સંખ્યામાં કિન્નર સમાજના સભ્યોએ મતદાન કર્યું હતું અને અન્ય લોકોને પણ મતદાન કરવાની પ્રેરણા આપી હતી.