ભાવનગર : જેલની બેરેકમાં ગટર પાસે સંતાડેલો મોબાઈલ ફોન મળ્યો

કેદીએ મોબાઈલ જેલની બેરેકમાં ગટર પાસે પ્લાસ્ટિકની કોથળીમાં છુપાવી રાખ્યો હતો પરંતુ મોબાઈલ જેલમાં આવ્યો કઈ રીતે : જયપાલ સોલંકી

ભાવનગર જિલ્લા જેલમાં જેલર તરીકે ફરજ બજાવતા જેલરે તપાસ દરમ્યાન એક મોબાઈલ શોધી કાઢ્યો હિતો . જે અંગે તપાસ હાથ ધરતા જેલમાં જ સજા કાપતો એક કેદી આ મોબાઈલનો ઉપયોગ કરતો હોવાનું ખુલતાં આ કેદી વિરુદ્ધ ગુનો દાખલ કરવામાં આવ્યો હતો . જિલ્લા જેલના અધિકારી ભીખાભાઈ ઓઘડભાઈ સોસા ગઈકાલે રાત્રે જેલ તપાસમાં હતા . તે દરમ્યાન એક મોબાઈલ મળી આવ્યો હતો . આ મોબાઈલ અંગે તપાસ હાથ ધરવામાં આવી હતી . જેમાં જેલમાં સજા કાપી રહેલા મુજાહીદ ઉર્ફે મુજુ જાબીર બેલીમ આ મોબાઈલનો ઉપયોગ કરતો હોવાનું તથા જેલની બેરેકમાં પાસે પ્લાસ્ટિકની કોથળીમાં છુપાવી રાખ્યો હોવાનું ખુલ્યું છે . જેમાં જેલરે બે સીમકાર્ડ તથા મોબાઈલ જપ્ત કરી આરોપી મુજાહીદ બેલીમ વિરુદ્ધ ગુનો નોંધી કાયદેસરની કાર્યવાહી હાથ ધરી હતી.