પાડોશી દેશ ચીનમાં એક મોટી વિમાન દુર્ઘટના થઈ છે. દક્ષિણ ચીનમાં એક જેટ બોઇંગ 737 વિમાન ક્રેશ થયું છે. દુર્ઘટના સમયે વિમાનમાં 132 લોકો સવાર હતા. જો કે આ અકસ્માતમાં કેટલા લોકો ઘાયલ થયા છે તે હજુ સુધી જાણવા મળ્યું નથી. આ પ્લેન ચાઈના ઈસ્ટર્ન એરલાઈન્સનું હતું.

બોઇંગ 737 કુનમિંગથી ગુઆંગઝુ માટે ઉડાન ભરી હતી, પરંતુ પ્લેન ગુઆંગસીના પહાડોમાં ક્રેશ થયું હતું. અકસ્માતને કારણે ટેકરીમાં આગ લાગી છે. અકસ્માતનું કારણ જાણવામાં આવી રહ્યું છે.પ્લેનમાં 123 મુસાફરો હતા જ્યારે બાકીના ક્રૂ મેમ્બર હતા.

અકસ્માતના સમાચાર બાદ વહીવટીતંત્રમાં ખળભળાટ મચી ગયો છે. બચાવ કામગીરી શરૂ કરી દેવામાં આવી છે.

ફ્લાઈટ રડાર 24 અનુસાર, 6 વર્ષ જૂના બોઈંગ 737 પ્લેનના ક્રેશના કારણ વિશે કંઈપણ આપવામાં આવ્યું નથી. પ્લેને કુનમિંગથી ગુઆંગઝુ માટે બપોરે 1.11 વાગ્યે ઉડાન ભરી હતી. બપોરના 2.22 વાગ્યા પછી વિમાનને શોધી શકાયું ન હતું. છેલ્લી માહિતી પ્રમાણે પ્લેન 376 નોટની ઝડપે 3,225 ફૂટની ઉંચાઈ પર હતું. પ્લેન બપોરે 3.05 કલાકે લેન્ડ થવાનું હતું.

ચીનમાં છેલ્લી વખત 2010માં જેટ પ્લેન ક્રેશ થયું હતું. ઓછી વિઝિબિલિટીના કારણે જેટ પ્લેન યિચુન એરપોર્ટ નજીક ક્રેશ થયું હતું. આ અકસ્માતમાં 44 લોકોના મોત થયા હતા. તે સમયે કુલ 96 લોકો મુસાફરી કરી રહ્યા હતા.