IPL 2023ની 29મી મેચમાં ચેન્નાઈ સુપર કિંગ્સે સનરાઈઝર્સ હૈદરાબાદને 7 વિકેટે હરાવ્યું હતું. ટોસ હાર્યા બાદ પ્રથમ બેટિંગ કરવા ઉતરેલી હૈદરાબાદની ટીમ 20 ઓવરમાં 7 વિકેટ ગુમાવીને 134 રન જ બનાવી શકી હતી. જવાબમાં ચેન્નાઈએ 18.4 ઓવરમાં 3 વિકેટ ગુમાવીને લક્ષ્યાંક હાંસલ કરી લીધો હતો. ચેન્નાઈ તરફથી ડેવોન કોનવેએ 57 બોલમાં 12 ચોગ્ગા અને 1 છગ્ગાની મદદથી 77 રનની અણનમ ઈનિંગ રમી હતી.
આ સિઝનમાં 6 મેચમાં ચેન્નાઈની આ ચોથી જીત છે. ટીમ 2 મેચ હારી છે. ચેન્નાઈની ટીમ 8 પોઈન્ટ સાથે પોઈન્ટ ટેબલમાં ત્રીજા સ્થાને છે. તેઓ રાજસ્થાન અને લખનૌ સુપરજાયન્ટ્સ સાથે સમાન પોઈન્ટ ધરાવે છે, પરંતુ રાજસ્થાનનો તમામમાં શ્રેષ્ઠ રન રેટ છે અને તેના કારણે RR ટોચ પર છે. લખનૌ બીજા અને ચેન્નાઈ ત્રીજા ક્રમે છે.