પોષ અમાસ પર, આ શુભ સમયે ભગવાન શિવની કરો પુજા,અને પિતૃ પુજા કરવાનું પણ મહત્વ

સનાતન ધર્મમાં અમાસ તિથિનું વિશેષ મહત્વ છે. આ દિવસે સ્નાન, ધ્યાન, પૂજા, જપ, તપ અને દાન કરવામાં આવે છે. આ સાથે પિતૃઓના તર્પણ અને પિંડ દાન પણ કરવામાં આવે છે. એવી ધાર્મિક માન્યતા છે કે અમાસના દિવશે પિતૃઓને પ્રસાદ ચઢાવવાથી સાધક પિતૃ દોષમાંથી મુક્તિ મેળવે છે.

પૂર્વજોના આશીર્વાદ પણ પ્રાપ્ત થાય છે. તેમની કૃપાથી સાધકનું સુખ, સૌભાગ્ય, આવક અને વંશમાં વૃદ્ધિ થાય છે. અમાસ તિથિ પર દેવોના દેવ મહાદેવના અભિષેક માટે એક દુર્લભ સંયોગ બની રહ્યો છે. આ યોગમાં ભગવાન શિવની આરાધના કરવાથી જીવનમાં પ્રવર્તતા તમામ પ્રકારના દુ:ખ અને કષ્ટો દૂર થઈ જશે. તમને પિતૃ દોષથી પણ રાહત મળશે. તો આવો, જાણીએ મહાદેવના અભિષેકનો શુભ યોગ અને સમય...

શુભ સમય :-

પોષ અમાસ 10 જાન્યુઆરીએ રાત્રે 08:10 વાગ્યે શરૂ થશે અને 11 જાન્યુઆરીએ સાંજે 05:26 વાગ્યે સમાપ્ત થશે. સનાતન ધર્મમાં તિથિની ગણતરી સૂર્યોદયથી કરવામાં આવે છે. તેથી, 11મી જાન્યુઆરીએ પોષ અમાસ ઉજવવામાં આવશે.

પોષ અમાસ પર, દેવોના દેવ મહાદેવ સાંજના 05.26 સુધી માતા પાર્વતી સાથે રહેશે. શાસ્ત્રો અનુશાર ભગવાન શિવ જ્યારે કૈલાસ પર હોય ત્યારે અભિષેક કરવાથી, નંદીની સવારી અને માતા પાર્વતીની સાથે રહેવાથી સુખ અને સમૃદ્ધિ વધે છે. અમાસ તિથિ સાંજે 05:26 સુધી છે. તેથી ભક્તો સાંજે 05.26 વાગ્યા સુધી અભિષેક કરી શકશે. આ માટે અમાસ તિથિ પર ગંગાજળવાળા પાણીથી સ્નાન કરો. આ પછી સફેદ વસ્ત્રો ધારણ કરો અને ભગવાન શિવને ગંગા જળ, દૂધ, સામાન્ય જળ, પંચામૃતથી અભિષેક કરો.