એક્ટર સોનુ સુદનું વોટ્સએપ એકાઉન્ટ ફરીથી એક્ટિવ થયુ,61 કલાક સુધી સર્વિસ રહી બંધ

એક્ટર સોનુ સૂદનું વ્હોટ્સએપ એકાઉન્ટ ફરીથી એક્ટિવ થઈ ગયું છે. આ માહિતી તેણે ઈન્સ્ટાગ્રામ પર સ્ટોરીમાં શેર કરી છે. તેણે જણાવ્યું કે તેનું વ્હોટ્સએપ એકાઉન્ટ 61 કલાક માટે બંધ હતું, જે હવે એક્ટિવ થઈ ગયું છે. આ દરમિયાન તેને 9483 મેસેજ આવ્યા હતા.

આ પહેલા સોનુએ ટ્વીટ કરીને એકાઉન્ટ બ્લોકની માહિતી ટ્વિટર અને ઈન્સ્ટાગ્રામ પર શેર કરી હતી. તેણે વ્હોટ્સએપ કંપનીને પણ અપીલ કરી હતી. તેણે કંપનીને ટેગ કરીને લખ્યું છે કે સેંકડો જરૂરિયાતમંદ લોકો તેમને મદદ માટે મેસેજ કરશે, તેથી શક્ય તેટલી વહેલી તકે સેવા શરૂ કરવી જોઈએ.