'ધક ધક' ફિલ્મનું ટ્રેલર થયું રિલીઝ, ફિલ્મમાં રત્ના પાઠક શાહ, દિયા મિર્ઝા, સંજના સાંઘી અને ફાતિમા સના શેખ મુખ્ય ભૂમિકામાં

ફાતિમા સના શેખ, દિયા મિર્ઝા, રત્ના પાઠક શાહ અને સંજના સાંઘી બોલિવૂડની પ્રતિભાશાળી અભિનેત્રીઓમાં સામેલ છે. આ બધા તાપસી પન્નુ દ્વારા કો-પ્રોડ્યુસ કરાયેલી 'ધક ધક' નામની ડ્રામા ફિલ્મમાં પ્રથમ વખત સ્ક્રીન શેર કરતા જોવા મળશે. આ મોસ્ટ અવેટેડ ફિલ્મનું ટ્રેલર પણ આજે રિલીઝ કરવામાં આવ્યું છે, જેને જોરદાર રિસ્પોન્સ મળી રહ્યો છે.

ફિલ્મ 'ધક ધક'નું ટ્રેલર આજે 9મી ઓક્ટોબરે રિલીઝ કરવામાં આવ્યું છે. ત્રણ મિનિટ લાંબા ટ્રેલરની શરૂઆત વાર્તાના ચાર મુખ્ય પાત્રોના પરિચય સાથે થાય છે, જેમને બાઇક ચલાવવાનો શોખ છે. તેમાંથી એક રત્ના પાઠક શાહ અભિનીત એક પાત્ર છે જેની છોકરાઓ બાઇક ચલાવવા માટે મજાક ઉડાવે છે. પછી તેઓ બધા વિશ્વના સૌથી ઊંચા મોટરેબલ રોડ તરફ તેમની મુસાફરી શરૂ કરવાની યોજના બનાવે છે તેઓ ખારદુંગ લા તરફ જાય છે જે લદ્દાખના લેહ જિલ્લામાં સ્થિત છે. ફિલ્મમાં રત્ના પાઠક શાહ, દિયા મિર્ઝા, સંજના સાંઘી અને ફાતિમા સના શેખ મુખ્ય ભૂમિકામાં છે.