“જય બાબા ભોલેનાથ” બોલિવૂડ અભિનેતા અક્ષય કુમારે કેદારનાથ ધામના કર્યા દર્શન
અક્ષય હાલમાં ઉત્તરાખંડના પ્રવાસે છે અને બાબા કેદારનાથના દર્શન કરવા આવ્યો હતો. જણાવી દઈએ કે અક્ષય કુમારે ચારેબાજુ ઊંચા પર્વતોની વચ્ચે કેદારનાથ મંદિરનો નજારો શેર કર્યો છે અને લખ્યું છે, 'જય બાબા ભોલેનાથ.' આ તસવીરમાં બેકગ્રાઉન્ડમાં 'હર હર શંભુ' ગીત વાગી રહ્યું છે.
બોલિવૂડ અભિનેતા અક્ષય કુમારે કેદારનાથ ધામની મુલાકાત લીધી છે. મંગળવારે પ્રખ્યાત અભિનેતા અક્ષય કુમાર બાબા કેદારનાથ ધામ પહોંચ્યા હતા. કેદારનાથ ધામ પહોંચ્યા બાદ અક્ષય કુમારે પૂજા કરી હતી. અક્ષય કુમાર એકલા દર્શન કરવા આવ્યા હતા. જણાવી દઈએ કે કેદારનાથ ધામના દરવાજા 25 એપ્રિલે દર્શન માટે ખોલવામાં આવ્યા હતા. અક્ષય કુમારને જોવા માટે લોકોની ભારે ભીડ ઉમટી પડી હતી.
આ સાથે જ હાલ કેદારનાથની અંદરથી અક્ષયનો વીડિયો પણ સામે આવ્યો છે. બાબાના દર્શનથી બહાર આવ્યા બાદ અક્ષય હાથ જોડીને જોવા મળે છે અને ત્યાં હાજર લોકો 'જય ભોલેનાથ' ના નારા લગાવતા જોવા મળે છે. મંદિરમાં અક્ષયની આસપાસ ભારે ભીડ જોવા મળે છે અને અક્ષય તેમની સાથે ખૂબ જ આરામથી ઊભો જોવા મળે છે. જોકે અક્ષયને લઈને ત્યાં સુરક્ષા પણ તૈનાત છે પણ મંદિરમાં તે સામાન્ય ભક્તોની સાથે તેના રંગમાં રંગાયેલો જોવા મળે છે.
જણાવી દઈએ કે અક્ષય કુમાર પોતાની આગામી ફિલ્મના શૂટિંગ માટે દેહરાદૂન પહોંચ્યા હતા અને મંગળવારે હેલિપેડથી કેદારનાથ પહોંચ્યા હતા. તેણે અહીં બાબાની મુલાકાત લીધી અને પછી તેણે રૂડકીમાં શૂટિંગ કરવાનો છે.
