પ્રભાસની ફિલ્મ સલારે વિશ્વભરમાં વગાડ્યો ડંકો, 19 દિવસમાં 7 અબજ રૂપિયાની કરી કમાણી

ફિલ્મ સલાર સતત 19માં દિવસે બોક્સ ઓફિસ પર ધમાલ મચાવી રહી છે. દરરોજ આ ફિલ્મ દેશ-વિદેશમાં કરોડો રૂપિયાનું કલેક્શન કરી રહી છે. હવે પ્રભાસની આ મૂવીએ વર્લ્ડવાઈડ બોક્સ ઓફિસ પર નવો રેકોર્ડ બનાવ્યો છે. જાણો આ ફિલ્મે અત્યાર સુધી દુનિયાભરમાં કુલ કેટલા અબજો રૂપિયાનો બિઝનેસ કર્યો છે?

પ્રભાસની મૂવી 'સલાર'એ બોક્સ ઓફિસ પર નવો ઈતિહાસ રચી દીધો છે. ફિલ્મજગતને લગતાં અહેવાલો અનુસાર, 'સલાર' એ 19માં દિવસે વિશ્વભરમાં 6.05 કરોડ રૂપિયાની કમાણી કરી છે. અને આ સાથે જ ફિલ્મે 7 અબજનાં ક્લબમાં પ્રવેશ કર્યો છે. અત્યાર સુધી ફિલ્મની કુલ કમાણી 700.37 કરોડ એટલે કે 7 અબજ રૂપિયા થઈ ગઈ છે.