શાહરુખ સ્ટારર ફિલ્મ 'ડંકી'નું ટ્રેલર રિલીઝ, ફિલ્મ 21 ડિસેમ્બરે થશે રિલીઝ....

આજે એટલે કે મંગળવારે શાહરુખ ખાન સ્ટારર ફિલ્મ 'ડંકી'નું ડ્રોપ 4 રિલીઝ થઈ ગયું છે. રાજકુમાર હિરાણીની સુંદર દુનિયા આ 'ડ્રોપ 4'માં વિશિષ્ટ રીતે સુંદર જોવા મળી રહી છે. ટ્રેનમાં શાહરુખ સાથેની શરૂઆત આગામી રોમાંચ માટેનો માહોલ સેટ કરી રહી છે. વીડિયોની શરૂઆત શાહરુખ ખાને ભજવેલા પાત્ર હાર્ડીથી થાય છે. તે પંજાબના એક સુંદર ગામમાં પહોંચે છે. ત્યાં તે અનોખા મિત્રો મનુ, સુખી, બગ્ગુ અને બલ્લીને મળે છે. તેઓ બધાનું એક જ સપનું છે, સારી તકોની શોધમાં લંડન જવાનું અને તેમના પરિવારોને સારું જીવન પૂરું પાડવાનું.

આ ડ્રોપ 4 માં, આ ચારેયની રસપ્રદ સફર ખૂબ સારી રીતે દર્શાવવામાં આવી છે. રાજકુમાર હિરાણી એક એવા દિગ્દર્શક છે જે પોતાની અસાધારણ વાર્તાઓ માટે જાણીતા છે. શાહરુખ ખાનના જન્મદિવસ પર 'ડંકી'નો ડ્રોપ 1 રિલીઝ થયો હતો. તે પછી, 'ડંકી' ના ડ્રોપ 2 માં અરિજિત સિંહના સૂરિલા અવાજનું ટાઈટલ ટ્રેક 'લૂટ પુટ ગયા...' બહાર પડ્યું હતું. 'ડંકી'ના ડ્રોપ 3માં સોનૂ નિગમના અવાજમાં હૃદયસ્પર્શી ગીતોએ આપણા હૃદયની ધડકનો વધારી દીધી હતી. તે એક લાગણીસભર ધૂન હતી જે આપણામાં વતનવાપસીની ભાવના બળવત્તર બનાવતી હતી.