મોડાસામાં ભારે વરસાદના કારણે ઠેર ઠેર ભરાયા પાણી

મોડાસા શહેરના હંગામી બસ સ્ટેન્ડમાં પણ ભરાયું પાણી

ઠેર ઠેર ગંદકી અને અતિશય દુર્ગંધથી મુસાફરોને હાલાકી

બસ સ્ટેન્ડમાં ક્યાંથી જવું તેની પણ મુસાફરોને મુંજવણ

સમસ્યાનું નિરાકરણ લાવવા મુસાફરો દ્વારા માગ ઉઠી

 અરવલ્લી જિલ્લાના મોડાસામાં ભારે વરસાદના કારણે હંગામી બસ સ્ટેન્ડમાં પાણી ભરાતા ઠેર ઠેર ગંદકી અને અતિશય દુર્ગંધના પગલે મુસાફરોને હાલાકી વેઠવાનો વારો આવ્યો છે.

 અરવલ્લી જિલ્લાના મોડાસામાં થોડા વરસાદમાં જ શહેરના હંગામી બસ સ્ટેન્ડમાં વરસાદી પાણી ભરાવાની સમસ્યા સામે આવી છે. મોડાસા શહેરમાં આધુનિક બસ પોર્ટનું નિર્માણ કાર્ય ચાલી રહ્યું છે, તેવામાં શહેરના મેઘરજ રોડ પર આવેલી સહકારી જિન કમ્પાઉન્ડમાં હંગામી બસ સ્ટેશન કાર્યરત કરવામાં આવ્યું છે.

પરંતુ અહીંયા થોડાં વરસાદમાં પાણી ભરાવાના કારણે મુસાફરોને હાલાકી ભોગવવાનો વારો આવ્યો છે. બસ સ્ટેન્ડના પ્રવેશતા જ મસમોટા ખાડા અને ખાડામાં ભરાયેલું પાણી મુસાફરોને હેરાન-પરેશાન કરી રહ્યું છે. મુસાફરોને બસ સ્ટેન્ડમાં કઈ જગ્યાએથી પ્રવેશવું તે પણ મુંજવણ ભર્યો પ્રશ્ન બની રહે છે. તો બીજી તરફ, બસ સ્ટેન્ડમાં ઠેર ઠેર ગંદકી અને દુર્ગંધના કારણે મુસાફરોને હાલાકી ભોગવવી પડી રહી છે , ત્યારે તંત્ર દ્વારા વહેલી તકે સમસ્યા ઉકેલાય તેવી મુસાફરો માંગ કરી રહ્યા છે.