ભરૂચ શહેર અને જિલ્લામાં વરસાદનો વધુ એક રાઉન્ડ શરૂ થયો છે ત્યારે જિલ્લામાં છૂટો છવાયો વરસાદ વરસ્યો હતો. દિવસ દરમિયાન વરસાદી ઝાપટા વરસ્યા હતા જેના કારણે વાતાવરણમાં ઠંડક પ્રસરી હતી.રવિવારની રજાની મજા લોકોએ ઝરમર વરસાદ વચ્ચે માણી હતી.

ભરૂચ જિલ્લામાં વરસેલ વરસાદના તાલુકા વાર આંકડા પર નજર કરીએ તો આમોદ  1 મી.મી.વાગરા 16 મી.મી.ભરૂચ  8 મી.મી.ઝઘડિયા 8 મી.મી.અંકલેશ્વર  8 મી.મી.હાંસોટ 7 મી.મી.વાલિયા  18 મી.મી. અને નેત્રંગમાં  8  મી.મી. વરસાદ નોંધાયો હતો.આગામી 3 દિવસ હવામાન વિભાગ દ્વારા વરસાદની આગાહી કરવામાં આવી છે