અમેરિકામાં વધુ એક ગુજરાતીની લૂંટના ઇરાદે હત્યા, જાણો સમગ્ર મામલો

અમેરિકામાં વધુ એક ગુજરાતીની લૂંટના ઇરાદે હત્યા થઈ છે. આણંદના સોજીત્રાના 52 વર્ષના પ્રેયસ પટેલની લૂંટના ઇરાદે હત્યા થઇ છે. આ ઘટનામાં કુલ બે લોકોની હત્યા થઇ હોવાનું સામે આવ્યું છે.પોલીસે સમગ્ર મામલે તપાસ હાથ ધરી છે

7-ઈલેવન માલિક અને એક સ્ટોર કર્મચારીનું ન્યુપોર્ટ ન્યૂઝ કન્વીનીયન્સ સ્ટોરમાં ગોળીબારમાં મૃત્યુ થયું હતું. જ્યારે તેઓ બુધવારે રાત્રે દુકાનમાં કામ કરી રહ્યા હતા ત્યારે ત્યાં લૂંટ થઇ હતી.ટના સ્થળે પહોંચ્યા અધિકારીઓને આ સ્ટોરમાં બે લોકો મળ્યા હતા. યોર્ક કાઉન્ટીના 52 વર્ષીય પ્રેયસ પટેલ અને ન્યુપોર્ટ ન્યૂઝના 35 વર્ષીય લોગન એડવર્ડ થોમસ બંદૂકની ગોળીથી ઘાયલ થઇને સ્ટોરના ફ્લોર પર પડ્યા હતા. તેઓ બંનેને ઘટના સ્થળે મૃત જાહેર કર્યા હતા.ગુરુવારે સવારે સ્ટોરની મુલાકાત લેનાર 7-ઇલેવનના કાર્યકર્તાએ પટેલને સ્ટોરના માલિક તરીકે અને થોમસને કર્મચારી તરીકે ઓળખાવ્યો હતો. પોલીસ અધિકારીઓના જણાવ્યા પ્રમાણે, આ સ્ટોરમાં લૂંટના ઇરાદે બે લોકોની હત્યા થઇ હતી.સ્ટોરનો સર્વેલન્સ કેમેરા કામ કરી રહ્યો હતો અને તપાસમાં મદદરૂપ થયો છે, પરંતુ પોલીસ અધિકારીઓએ ફૂટેજમાં શું કેપ્ચર થયું હતું તે કહેવાનો ઇનકાર કર્યો હતો. તેમણે કહ્યું કે, ત્યાં એક શૂટર હોવાનું માનવામાં આવે છે પરંતુ પોલીસ હજી ફૂટેજ પર તપાસ કરી રહી છે. ત્યાં આવેલા શૂટરનું વધારે વર્ણન બહાર આવતા કદાચ વાર લાગી શકે છે."અમારી પાસે અત્યારે જે છે તે એક વ્યક્તિ છે જે વ્યવસાયમાં પ્રવેશ કરે છે અને છોડી દે છે