નવસારી : છેલ્લા 4 વર્ષથી એક ઇસમ લોકોને ખવડાવતો હતો ગૌમાંસ ભરેલા સમોસા, પોલીસે કરી ધરપકડ

નવસારી જીલ્લાના જલાલપોર તાલુકાના ડાભેલ ગામમાંથી ગૌમાંસના સમોસા વેચતા એક ઈસમની પોલીસે ધરપકડ કરી કાયદેસરની કાર્યવાહી હાથ ધરી છે.

મળતી માહિતી અનુસાર, નવસારી જીલ્લાના જલાલપોર તાલુકાના ડાભેલ ગામમાં છેલ્લા 4 વર્ષથી મરઘી અને બકરીના માંસનું કહી ગૌમાંસના સમોસાનું વેચાણ થતું હતું, ત્યારે બાતમીના આધારે પોલીસે ગૌ-રક્ષકોને સાથે રાખી ડાભેલ ગામમાં દરોડા પાડ્યા હતા, જ્યાં A-ONE ચિકન બિરયાની નામની લારી પરથી પોલીસે માંસના સેમ્પલને FSL મોકલી તપાસ અર્થે મોકલતા તે ગૌમાંસ હોવાનું ફલિત થયું હતું. આ મામલે પોલીસે ગૌમાંસના સમોસા વેચતા અહમદ મહમ્મદ સૂઝની ધરપકડ કરી તેના વિરુદ્ધ મુંબઈ પશુ સરક્ષણ અધિનિયમ 1954ની કલમ 5, 6, 8 તથા ગુજરાત પશુ રક્ષણ સુધારા અધિનિયમ 2017ની કલમ 6(ક), (ખ) મુજબ કાયદેસરની કાર્યવાહી હાથ ધરી છે, જયારે અન્ય એક ઇસમ ફરાર થઇ જતા તેને વોન્ટેડ જાહેર કરવામાં આવ્યો છે.