![sbr](https://img-cdn.thepublive.com/fit-in/640x430/filters:format(webp)/connect-gujarat/media/media_files/wBXB9YgKAEsYpRhTUaRE.png)
સાબરકાંઠા જિલ્લાના વડાલી તાલુકાના કુબાધરોલ ગામે યુવક તળાવમાં ડૂબી જવાની ઘટના સામે આવી હતી, જેને પગલે ફાયર સ્ટાફ દ્વારા શોધખોળ હાથ ધરવામાં આવી છે.
સાબરકાંઠા જિલ્લાના વડાલીના કુબાધરોલ ગામે મોડી સાંજે તળાવમાં યુવક ડૂબી ગયો હતો આ અંગે ગામના લોકોને જાણ થતાં વડાલી મામલતદાર અને ફાયર બ્રિગેડને જાણ કરવામાં આવી હતી. ફાયર બ્રિગેડ દ્વારા મોડી રાત્રે ૩ કલાક કરતા વધુની જહેમત પછી પણ લાશનો કોઈ પતો લાગ્યો ન હતો. વહેલી સવારે વધુ ટીમો બોલાવી રેસ્ક્યુ હાથ ધરી લાશ બહાર કાઢવા તજવીજ હાથ ધરવામાં આવી હતી , બનાવની જાણ થતાં જ વડાલી પોલીસ, મામલતદાર, ગામના તલાટી સહિતનો સ્ટાફ ઘટના સ્થળે દોડી ગયો હતો ત્યારબાદ આજે સવારે ૯ કલાકે ફરી લાશને શોધવાની કામગીરી શરૂ કરવામાં આવી હતી.