ગુજરાતી એક્ટર અમિત મિસ્ત્રીનું નાની વયે હાર્ટએટેકથી નિધન

ખ્યાત અને ટેલેન્ટેડ ગુજરાતી થિએટર આરટિસ્ટ અમિત મિસ્ત્રીનું હાર્ટ એટેકથી નિધન થયું છે. તેમની ઉંમર ઘણી નાની હતી. તેવામાં આ સમયમાં તેમનું હાર્ટ એટેકથી નિધન થયાની ખબર આવી છે.

ગુજરાતી ફિલ્મ 'બે યાર'માં તેઓનો રોલ જોરદાર રહ્યો હતો. તો ટીવી શો તેનાલી રામામાં તેઓ બિરબલનાં રોલમાં હતાં. અને મેડમ સર જેવાં શોમાં તેમણે કામ કર્યુ હતું. આ ઉપરાંત તેઓ સબ ટીવીનાં શો 'સાત ફેરો કી હેરા ફેરી' માં નજર આવ્યા હતાં.

અમિતના મેનેજર મહર્ષિએ કહ્યું કે , મને આંચકો લાગ્યો છે. તે એકદમ સ્વસ્થ હતો અને પોતાના ઘરે જ હતો. તેને કોઈ હેલ્થનો પ્રોબ્લેમ પણ નહોતો. બ્રેકફાસ્ટ કર્યા પછી અચાનક તેને છાતીમાં દુખાવો ઉપડ્યો અને ઘરે જ નિધન થયું.