દેશભરના અનેક રાજ્યોમાં વરસાદ બાદ વાતાવરણમાં આવ્યો પલટો, ઘણા રાજ્યોમાં એલર્ટ કરાયું જાહેર
BY Connect Gujarat Desk16 Sep 2023 4:12 AM GMT
X
Connect Gujarat Desk16 Sep 2023 4:12 AM GMT
હાલમાં દેશભરના અનેક રાજ્યોમાં વરસાદ બાદ વાતાવરણમાં પલટો આવ્યો છે. દિલ્હી અને આસપાસના વિસ્તારોમાં ભારે પવન સાથે ભારે વરસાદ થતાં લોકોને ગરમીથી રાહત મળી હતી. હવામાન વિભાગે આજે એટલે કે શનિવારે (16 સપ્ટેમ્બર) વરસાદને લઈને ઘણા રાજ્યોમાં એલર્ટ જાહેર કર્યું છે. હવામાન વિભાગે દક્ષિણ-પશ્ચિમ મધ્ય પ્રદેશ માટે રેડ એલર્ટ જાહેર કર્યું છે, જ્યાં આગામી ત્રણ દિવસ સુધી ભારે વરસાદની સંભાવના છે.
હવામાન વિભાગના જણાવ્યા અનુસાર, દિલ્હી-એનસીઆરમાં શનિવારે (16 સપ્ટેમ્બર) દિવસભર વાદળછાયું રહેવાની સંભાવના છે અને ઘણા વિસ્તારોમાં હળવાથી મધ્યમ વરસાદ પડી શકે છે. જો તાપમાનની વાત કરીએ તો મહત્તમ તાપમાન 33 ડિગ્રી અને લઘુત્તમ તાપમાન 25 ડિગ્રી રહેવાની ધારણા છે. આ સિવાય હવામાન વિભાગની આગાહી અનુસાર, આગામી પાંચ દિવસ સુધી દિલ્હીમાં વાદળછાયું આકાશ અને મધ્યમ વરસાદની શક્યતા છે.
Next Story