CBSE એ નકલી સોશિયલ મીડિયા હેન્ડલ્સની યાદી કરી શેર, સાવચેત રહેવાની સલાહ આપી
સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ ટ્વિટર પર તેના નામ અને લોગોનો દુરુપયોગ કરતા નકલી સોશિયલ મીડિયા હેન્ડલ્સની યાદી તૈયાર કરીને શેર કરી છે. તેનો હેતુ ખોટી માહિતીને રોકવાનો છે. આ ઉપરાંત, CBSE એ લગભગ 30 X હેન્ડલ્સની યાદી પણ બહાર પાડી છે. સેન્ટ્રલ બોર્ડ ઓફ સેકન્ડરી એજ્યુકેશન (CBSE) વતી એવું કહેવામાં આવ્યું છે કે બોર્ડનું સત્તાવાર X એકાઉન્ટ @cbseindia29 છે.
Announcement pic.twitter.com/CekIhetyHM
— CBSE HQ (@cbseindia29) February 12, 2024
સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ કહ્યું છે કે તેના ધ્યાન પર આવ્યું છે કે સૂચિમાં આપવામાં આવેલા X હેન્ડલ્સ તેના નામ અને લોગોનો ઉપયોગ કરી રહ્યાં છે. જે લોકોમાં ખોટી માહિતી ફેલાવી રહ્યા છે. બોર્ડે એમ પણ કહ્યું છે કે આ નકલી સોશિયલ મીડિયા હેન્ડલ્સ સામે યોગ્ય કાર્યવાહી કરવામાં આવી રહી છે. સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ કહ્યું છે કે સોશિયલ મીડિયા પ્લેટફોર્મ પર કોઈપણ રીતે CBSE ના નામ અને લોગોનો ઉપયોગ કરીને અન્ય કોઈ સ્ત્રોત દ્વારા આપવામાં આવેલી કોઈપણ માહિતી માટે બોર્ડ જવાબદાર રહેશે નહીં.
