નીતીશનું બપોરે રાજીનામું, સાંજે શપથગ્રહણ!:CMએ સવારે 10.30 વાગ્યે રાજ્યપાલ પાસે મુલાકાત માટે સમય માંગ્યો

બિહારમાં નીતીશ-લાલુ ગઠબંધન તૂટી ગયું છે. નીતીશ કુમાર આજે સવારે 10 વાગે ધારાસભ્ય દળની બેઠક યોજશે. આ પછી તેઓ રાજ્યપાલને પોતાનું રાજીનામું સોંપશે. નવી સરકાર બનાવવાનો દાવો પણ કરશે. આજે જ રાજ્યપાલને નવા સીએમ તરીકે શપથ લેવાની માગ કરશે.1, અણે માર્ગ સ્થિત સીએમ આવાસ પર મળેલી JDU કોર કમિટીની બેઠકમાં આ નિર્ણય લેવામાં આવ્યો હતો.

સૂત્રોના જણાવ્યા અનુસાર નીતીશ કુમાર 2 ડેપ્યુટી સીએમ સાથે શપથ લેશે. આ બંને ડેપ્યુટી સીએમ ભાજપના હોઈ શકે છે.BJP-JDU તરફથી 14-14 મંત્રીઓ શપથ લઈ શકે છે. જીતન રામ માંઝીની પાર્ટીએ પણ 2 મંત્રી પદની માંગણી કરી છે. ગૃહમંત્રી અમિત શાહ અને ભાજપના રાષ્ટ્રીય અધ્યક્ષ જેપી નડ્ડા પણ શપથ સમારોહમાં હાજરી આપી શકે છે. નડ્ડા 3 વાગે પટના પહોંચી રહ્યા છે.અહીં પટનામાં આરજેડીની બેઠક દરમિયાન તેજસ્વીએ દાવો કર્યો હતો કે અસલી રમત રમવાની બાકી છે. નીતીશ આપણા આદરણીય વ્યક્તિ હતા અને રહેશે. જે કામ બે દાયકામાં ન થઈ શક્યું, તે અમે થોડા સમયમાં કરી લીધું. લાલુએ પોતાના મંત્રીઓને રાજીનામું ન આપવા કહ્યું. કોંગ્રેસ ધારાસભ્ય દળની બેઠક આજે પૂર્ણિયામાં યોજાશે.