સાબરમતી આગ્રા સુપર ફાસ્ટ ટ્રેનની ગુડ્સ ટ્રેન સાથે ટક્કર,મુસાફરોને સામાન્ય ઇજા

સાબરમતી આગ્રા સુપર ફાસ્ટ ટ્રેન અકસ્માતનો શિકાર, ચાર બોગી પાટા પરથી ઉતરી, માલગાડી સાથે ટક્કર.દુર્ઘટનાની માહિતી મળ્યા બાદ રેલવેના તમામ અધિકારીઓ અને કર્મચારીઓને ઘટનાસ્થળે બોલાવવામાં આવ્યા હતા અને રાહત કાર્ય શરૂ કરવામાં આવ્યું હતું અને ટ્રેનના કોચને હટાવવાની કામગીરી શરૂ કરવામાં આવી હતી.

સાબરમતી આગ્રા સુપર ફાસ્ટ ટ્રેનના ચાર ડબ્બા પાટા પરથી ઉતરી ગયા છે. આ અકસ્માત સવારે 1 વાગ્યે થયો હતો. અજમેરના મદાર સ્ટેશન પાસે થયેલા આ અકસ્માતમાં મુસાફરોને સામાન્ય ઈજાઓ થઈ હતી. મળતી માહિતી મુજબ રવિવારે મોડી રાત્રે અજમેરના મદાર રેલવે સ્ટેશન પાસે એક ટ્રેક પર બે ટ્રેન આવી હતી. જેના કારણે એન્જિન સહિત ટ્રેનના ચાર જનરલ કોચ પાટા પરથી ઉતરી ગયા હતા. જો કે હજુ સુધી કોઈ જાન-માલના નુકસાનના સમાચાર નથી.