વર્લ્ડ કપ 2023 : આજે ઓસ્ટ્રેલિયા અને દક્ષિણ આફ્રિકાની ટીમ વચ્ચે ટક્કર, લખનઉમાં રમાશે મેચ

ઓસ્ટ્રેલિયા અને દક્ષિણ આફ્રિકાની ટીમો ગુરુવારે વર્લ્ડ કપમાં એકબીજા સામે ટકરાશે. બંને ટીમો વચ્ચેની મેચ લખનઉમાં રમાશે. ઓસ્ટ્રેલિયા-દક્ષિણ આફ્રિકા મેચ ભારતીય સમય અનુસાર બપોરે 2 વાગ્યે શરૂ થશે. ઓસ્ટ્રેલિયાને તેની પ્રથમ મેચમાં હારનો સામનો કરવો પડ્યો હતો. ચેન્નઈમાં ભારતીય ટીમે ઓસ્ટ્રેલિયાને 6 વિકેટે હરાવ્યું હતું.

દક્ષિણ આફ્રિકાની ટીમે પ્રથમ મેચ જીતી હતી. દક્ષિણ આફ્રિકાએ તેની પ્રથમ મેચમાં શ્રીલંકાને 102 રનના વિશાળ અંતરથી હરાવ્યું હતું. આ રીતે દક્ષિણ આફ્રિકાની ટીમ સતત બીજી જીત મેળવવાનો પ્રયાસ કરશે. અત્યારે દક્ષિણ આફ્રિકાની ટીમ પોઈન્ટ ટેબલમાં ત્રીજા સ્થાને છે.