દર્શકો સલમાન ખાન વિના બિગ બોસની કલ્પના કરી શકતા નથી પરંતુ તેઓએ ભાઈજાન વિના રિયાલિટી શોના આગામી કેટલાક એપિસોડ જોવા પડશે. ‘બિગ બોસ 16’ના આગામી એપિસોડમાં સલમાન ખાન નહીં પરંતુ કરણ જોહર જોવા મળશે.
કરણ જોહર થોડા અઠવાડિયા માટે ‘બિગ બોસ’નો હોસ્ટ રહેશે. બોલિવૂડ હંગામાના અહેવાલ મુજબ સલમાન ખાનને ડેન્ગ્યુ હોવાનું નિદાન થયું છે, તેથી તે ‘બિગ બોસ 16’ના આગામી કેટલાક એપિસોડને હોસ્ટ કરશે નહીં. કરણ જોહર પણ ભાઈજાનને ના પાડી શક્યો નહીં, કારણ કે તે મુશ્કેલ સમયમાં કરણ જોહરની સાથે રહ્યો છે.કરણ જોહરની ‘કુછ કુછ હોતા હૈ’માં જ્યારે સ્ટાર્સે સેકન્ડ લીડ રોલ કરવાનો ઇનકાર કર્યો ત્યારે સલમાન ખાને આ રોલ કરીને ડિરેક્ટરની મુશ્કેલી દૂર કરી. કરણ જોહરે ‘બિગ બોસ ઓટીટી’ પણ હોસ્ટ કર્યો છે. તે જોવું રસપ્રદ રહેશે કે તેઓ સ્પર્ધકો સાથે કેવી રીતે વર્તે છે અને તેમને શોમાં કઈ રીતે રોસ્ટ કરે છે.
