બજરંગ, સાક્ષી, વિનેશ WFI રેસલિંગ ટ્રાયલ્સમાં ભાગ નહીં લે:વિરોધમાં દિલ્હી હાઈકોર્ટમાં અરજી દાખલ કરી

બજરંગ, સાક્ષી અને વિનેશે ભારતીય રેસલિંગ એસોસિયેશન દ્વારા આયોજિત સિલેક્શન ટ્રાયલ્સ રોકવા માટે દિલ્હી હાઈકોર્ટનો સંપર્ક કર્યો છે. ભારતીય કુસ્તી સંઘે 10 અને 11 માર્ચે વિવિધ સ્પર્ધાઓ માટે ખેલાડીઓની પસંદગી માટે ટ્રાયલ લેવાનું નક્કી કર્યું છે. આ માટે બજરંગ, સાક્ષી અને વિનેશને પણ સંઘ તરફથી ભાગ લેવા માટે આમંત્રણ મોકલવામાં આવ્યું છે.

મીડિયા રિપોર્ટ્સ અનુસાર, બજરંગ, વિનેશ ફોગાટ, સાક્ષી મલિક અને તેના પતિ સત્યવ્રત કડિયાને બુધવારે કોર્ટમાં શરણ લીધી છે. આ કેસની સુનાવણી શુક્રવારે થશે. બજરંગે કહ્યું, 'મને સમજાતું નથી કે ભારત સરકાર દ્વારા સસ્પેન્ડ કરાયેલી સ્પોર્ટ્સ બોડી ટ્રાયલની જાહેરાત કેવી રીતે કરી શકે. સરકાર કેમ ચૂપ છે? જો એડહોક કમિટી અથવા સરકાર ટ્રાયલ કરશે તો જ અમે તેમાં ભાગ લઈશું.'WFIના પ્રમુખ સંજય સિંહે વિરોધ કરી રહેલા કુસ્તીબાજોને ભૂતકાળ ભૂલી જવા અને ટ્રાયલ્સમાં ભાગ લેવા જણાવ્યું હતું. બજરંગે કહ્યું કે માત્ર તે જ નહીં પરંતુ સાક્ષી મલિક અને વિનેશ ફોગાટ પણ ટ્રાયલમાં હાજર નહીં થાય. તેમણે કહ્યું, 'આ અમારો સંયુક્ત નિર્ણય છે. અમે આમાં સાથે છીએ.'