ધ્રુવ જુરેલ અને સરફરાઝ ખાનને મળશે 1 કરોડ રૂપિયા, BCCIએ આપ્યુ ઇનામ
ઈન્ડિયન પ્રીમિયર લીગની નવી સિઝન શરૂ થવા જઈ રહી છે અને દરેકની નજર તેના પર છે. આવી સ્થિતિમાં આગામી 2 મહિના સુધી તમામનું ધ્યાન આંતરરાષ્ટ્રીય ક્રિકેટ પરથી હટશે. પરંતુ તે પહેલા જ ભારતીય ક્રિકેટ કંટ્રોલ બોર્ડે મોટો નિર્ણય લીધો છે.BCCIએ ગયા મહિને જ વર્તમાન આંતરરાષ્ટ્રીય સિઝન માટે સેન્ટ્રલ કોન્ટ્રાક્ટની જાહેરાત કરી હતી, જેમાં ઈશાન કિશન અને શ્રેયસ અય્યર જેવા ખેલાડીઓને પડતા મૂકવામાં આવ્યા હતા. હવે બોર્ડે તેમાં થોડો ફેરફાર કર્યો છે અને બે ખેલાડીઓનો સમાવેશ કર્યો છે પરંતુ આ ઈશાન કે અય્યર નહીં પરંતુ ધ્રુવ જુરેલ અને સરફરાઝ ખાન છે.સરફરાઝ અને ધ્રુવ જુરેલે ટીમ ઈન્ડિયા માટે સાથે ડેબ્યૂ કર્યું હતું. આ બંનેને ઈંગ્લેન્ડ સામેની 5 મેચની ટેસ્ટ શ્રેણીમાં તક મળી હતી. આ ટેસ્ટ સિરીઝમાં 5 ખેલાડીઓએ ભારત માટે ટેસ્ટ ડેબ્યૂ કર્યું હતું. જેમાંથી સરફરાઝ અને જુરેલને રાજકોટમાં રમાયેલી ત્રીજી ટેસ્ટમાં તક મળી હતી અને ત્યાર બાદ તેમના પ્રદર્શનના આધારે સિરીઝની છેલ્લી 3 ટેસ્ટ રમી હતી.આ બંનેને પાંચમી ટેસ્ટ મેચમાં પણ તક મળી હતી. ધર્મશાળામાં રમતા જ તેમનો સેન્ટ્રલ કોન્ટ્રાક્ટ હેઠળ આવવાનો રસ્તો સાફ થઈ ગયો હતો. 1 કરોડ રૂપિયા મળશે.
BCCIના રિટેનરશિપ નિયમો અનુસાર, જો કોઈ ખેલાડી કોન્ટ્રાક્ટ વર્ષમાં 3 ટેસ્ટ અથવા 8 ODI અથવા 10 T20 ઈન્ટરનેશનલ મેચ રમે છે તો તેને સેન્ટ્રલ કોન્ટ્રાક્ટમાં સ્થાન મળે છે. ધ્રુવ અને સરફરાઝે આ શરત પૂરી કરી અને C-ગ્રેડમાં સીધી એન્ટ્રી મેળવી. બોર્ડના 4 ગ્રેડમાં આ ગ્રેડ સૌથી નીચો છે, પરંતુ આમાં આવતા ખેલાડીઓને પણ વર્ષે 1 કરોડ રૂપિયા મળે છે. ધ્રુવ અને સરફરાઝને પણ આ રકમ મળશે.
