ENG vs IND T20: ઈંગ્લેન્ડની મહિલા ક્રિકેટ ટીમે ટી-20માં ભારતને 4 વિકેટથી હરાવ્યું

ઈંગ્લેન્ડની મહિલા ક્રિકેટ ટીમ ભારતના પ્રવાસે છે, જ્યાં તે 3 મેચની ટેસ્ટ શ્રેણી રમવાની છે. બંને ટીમો વચ્ચે પ્રથમ T20 સિરીઝ રમાઈ રહી છે, જેમાં પ્રથમ મેચમાં ઈંગ્લેન્ડે ભારતને 38 રને હરાવ્યું હતું અને હવે બીજી મેચમાં પણ તેણે ભારતને 4 વિકેટે હરાવ્યું છે. આ જીત સાથે ઈંગ્લેન્ડની ટીમે અજેય સરસાઈ મેળવી લીધી છે.

ઈંગ્લેન્ડની મહિલા બેટ્સમેનોએ ભારતીય ટીમે આપેલા 81 રનના ટાર્ગેટને 11.2 ઓવરમાં હાંસલ કરીને મેચ જીતી લીધી હતી. જોકે, આ લક્ષ્યનો પીછો કરતી વખતે ઈંગ્લેન્ડને 6 વિકેટ ગુમાવવી પડી હતી. આ જીત સાથે ઈંગ્લેન્ડની ટીમે આ T20 સિરીઝ પણ જીતી લીધી છે. શ્રેણીની આ બીજી T20 મેચમાં એલિસ કેપ્સીએ ઈંગ્લેન્ડ માટે સૌથી વધુ 25 રન બનાવ્યા. તેના સિવાય નેટ સીવર બ્રન્ટે પણ 13 બોલમાં 16 રનની ઇનિંગ રમી હતી. આ બે બેટ્સમેન સિવાય ઈંગ્લેન્ડની મહિલા ક્રિકેટની કોઈ બેટ્સમેન 10 રન પણ બનાવી શકી નથી. ઈંગ્લેન્ડના બે બેટ્સમેન ડેની વ્યાટ અને ફ્રેયા કેમ્પ 0 રને આઉટ થઈ ગયા હતા.

ભારતીય બોલરોની વાત કરીએ તો, તેઓએ 80 રનના ખૂબ જ નાના ટાર્ગેટમાં પણ ટીમને જીત અપાવવાનો પૂરો પ્રયાસ કર્યો હતો. ફાસ્ટ બોલર રેણુકા ઠાકુર સિંહે શરૂઆતમાં બે વિકેટ લઈને ટીમ ઈન્ડિયા માટે ચોક્કસ આશાઓ ઊભી કરી હતી. દીપ્તિ શર્માએ 2, પૂજા વસ્ત્રાકર અને સાયકા ઈશાકે 1-1 વિકેટ લઈને ઈંગ્લેન્ડની ટીમને થોડી પરેશાન કરી હતી, પરંતુ આ મેચમાં ટીમ ઈન્ડિયાને જીત અપાવવા માટે તેમની એકલી તાકાત પૂરતી ન હતી.