સ્મૃતિ મંધાનાએ રચ્યો ઇતિહાસ, T20 માં 3 હજાર રનનો આંકડો પાર કરનાર છઠ્ઠી અને ભારતની બીજી ખેલાડી બની

સ્મૃતિ મંધાનાએ T20 ઇન્ટરનેશનલમાં 3000 રનનો આંકડો પાર કરી લીધો છે. T20 ઈન્ટરનેશનલમાં 3 હજાર રનનો આંકડો પાર કરનાર મંધાના એકંદરે છઠ્ઠી અને ભારતની બીજી ખેલાડી બની ગઈ છે. મંધાનાએ ઓસ્ટ્રેલિયા સામે રમાયેલી પ્રથમ T20માં 3 હજારનો આંકડો પાર કર્યો હતો. મંધાના પહેલા માત્ર ભારતની કેપ્ટન હરમનપ્રીત કૌરે મહિલા ક્રિકેટમાં આ આંકડો પાર કર્યો હતો.

ઓસ્ટ્રેલિયા સામે રમાયેલી પ્રથમ T20માં મંધાનાએ લક્ષ્યનો પીછો કરતી વખતે 52 બોલમાં 54 રનની ઈનિંગ રમી હતી, જેમાં તેણે 7 ચોગ્ગા અને 1 છગ્ગો ફટકાર્યા હતા. તેણે ભારતને જીત અપાવવામાં મહત્વની ભૂમિકા ભજવી હતી.