વર્લ્ડ કપ 2023 : શ્રીલંકાએ નેધરલેન્ડને 5 વિકેટે હરાવ્યું

શ્રીલંકાએ નેધરલેન્ડને 5 વિકેટે હરાવ્યું છે. આ રીતે શ્રીલંકાની ટીમને વર્લ્ડ કપ 2023માં પહેલી જીત મળી છે. શ્રીલંકાને 263 રનનો ટાર્ગેટ મળ્યો હતો. શ્રીલંકાની ટીમે 48.2 ઓવરમાં 5 વિકેટે 263 રન બનાવીને મેચ જીતી લીધી હતી. શ્રીલંકાની જીતનો હીરો સાદિરા સમરવિક્રમા રહ્યો હતો. સાદિરા સમરવિક્રમા 107 બોલમાં 91 રન બનાવીને અણનમ પરત ફર્યો હતો. તેણે પોતાની ઇનિંગમાં 7 ચોગ્ગા ફટકાર્યા હતા.

નેધરલેન્ડ માટે આર્યન દત્ત સૌથી સફળ બોલર રહ્યો હતો. આર્યન દત્તે 10 ઓવરમાં 44 રન આપીને 3 ખેલાડીઓને આઉટ કર્યા હતા. આ સિવાય પોલ વોન મીકેરન અને કોલિન એકરમેનને 1-1થી સફળતા મળી હતી. આ પહેલા નેધરલેન્ડના કેપ્ટન સ્કોટ એડવર્ડ્સે ટોસ જીતીને બેટિંગ કરવાનો નિર્ણય લીધો હતો.